Хаартыска: Ксения Васильева тиксэриитэ.
Бу күннэргэ сааскы маҥнайгы бырааһынньыгы — Аан дойду дьахталларын күнүн көрсө Дьокуускайдааҕы “Крылья” кэрэ аҥаардар түмсэр кулууптарын Горнайдааҕы салаата биир сылын туолбутун үөрүүлээхтик бэлиэтээтэ.
Бу туһунан «Сыккыс» литературнай түмсүү салайааччыта Айталина Олесова сырдатта.
— Тэрээһини иилээн-саҕалаан Бэрдьигэстээх нэһилиэгин баһылыгын солбуйааччыта Ксения Васильева, нэһилиэк дьахталларын сэбиэтин салайааччыта Туйаара Ксенофонтова, “Крылья” кулууп Бэрдьигэстээхтээҕи салаатын салайааччыта Сахаайа Платонова, уонна улуус дьахталларын сэбиэтин салайааччыта Айталина Баишева ыыттылар. Бу тэрээһиҥҥэ Дьокуускай куораттан ыҥырыылаах ыалдьыттар “Мин ис кыаҕым” диэн анал сыаллаах үөрэтиини биир-биир ыытан, саалаҕа мустан олорор кэрэ аҥаардары сэргэхситтилэр, сүргэлэрин көтөхтүлэр. Ол курдук, эниэргийэ (нэҥир) туһунан үөрэтиини – анестезиолог-реаниматолог быраас идэлээх, нейропсихосоматика салаатын исписэлииһэ Любовь Никифорова иилээн-саҕалаан ыытта. Салгыы «КлеверРост” устуудуьуйаны төрүттээччи нейропрофориентолог идэлээх Туяра Голдырева бэйэ дьоҕурун «уһугуннарда». Харчыны хайдах бэйэ дьарыгар туһанары маркетолог, креативщик уонна юрист идэлээх Октябрина Сивцева үөрэттэ. Биллиилээх блогер, педагог-хореограф, “Прекрасный мир танца” устуудьуйа салайааччыта Туйаара Федорова үҥкүүгэ маастар-кылаас ыытан, бырааһынньыгы киэргэттэ. Дьоро киэһэни түмүктээтэ биир дойдулаахпыт Айгылаана Андреева.
Сааскы сиккиэр бырааһынньыга флеш-мобынан, үҥкүүнэн, уопсай сэргэхсийиинэн уонна бырааһынньыктааҕы торду амсайыынан үөрүүлээхтик түмүктэннэ. Чахчы даҕаны кэрэ эйгэ алыптаах тыына кэлбит дьону үөртэ-көтүттэ.
Өрөспүүбүлүкэ нэһилиэнньэлээх пууннара массыына кыһыҥҥы суола аһыллыар диэри ирдэнэр кээмэйдээх оттук-энэргэтиическэй саппааһынан олоччу хааччылыннылар. Бу…
«Күн бүгүн эрэгийиэн иһинээҕи көтүүлэри үбүлээһин өрөспүүбүлүкэ бүддьүөтүн суотугар эрэ ыытыллар. Бу сыалга 250 мөлүйүөн…
Арассыыйаҕа массыына атыылаһарга чэпчэтиилээх кирэдьииттээһин хас даҕаны судаарыстыбаннай бырагыраама үлэлиир. Ону туһанан саҥа массыынаны атыылаһыахха…
Бу күннэргэ Горнай улууһун Бэрдьигэстээх сэлиэнньэтин ыччаттара нэһилиэк сэбиэтэ тэриллибит күнүн бэлиэтээтилэр. Бу туһунан Бэрдьигэстээх…
Сэтинньи 4-6 күннэригэр Дьокуускайга Сомоҕолоһуу күнүгэр аналлаах норуот уус-уран оҥоһуктарыгар босхо маастар-кылаастары ыытыахтара. Тэрээһини «Мин…
Өлүөнэ муостатын тутар былаһааккаҕа өрүс флотун муус туруон иннинээҕи үлэтэ түмүктэннэ. Ааспыт сезон устата 20-чэ…