Хаартыска: Үөрэх уонна билим министиэристибэтин МАХ-ханаалыттан.
Саха сирэ быйыл оскуола 46 саҥа оптуобуһун ылыаҕа. Бу Арассыыйа эрэгийиэннэригэр ыытыллар оскуола тырааныспарын биир бөдөҥ баартыйатынан буолар. РФ Бырабыыталыстыбатын дьаһалыгар олоҕуран, СӨ үөрэҕин уонна билимин министиэристибэтэ улуустарга, уокуруктарга, Дьокуускай куоракка уонна өрөспүүбүлүкэ судаарыстыбаннай үөрэҕин тэрилтэлэригэр оптуобустары түҥэтиини тыырбыта.
Оптуобустары 15 улууска уонна уокуруктарга, ону тэҥэ, Дьокуускай куорат үөрэҕин итиэннэ өрөспүүбүлүкэ судаарыстыбаннай тэрилтэлэригэр ыыталыахтара. Иккилии оптуобуһу Амма, Үөһээ Бүлүү, Бүлүү, Горнай, Мэҥэ Хаҥалас, Нам, Ньурба, Өймөкөөн, Өлүөхүмэ, Таатта, Томпо, Уус Алдан, Хаҥалас уонна Чурапчы улуустара ылыахтара. Өссө үс оптуобус Дьокуускайдааҕы үөрэх тэрилтэлэригэр, сэттэ өрөспүүбүлүкэ судаарыстыбаннай тэрилтэлэригэр көрүллэр. Бу туһунан Үөрэх уонна билим министиэристибэтин пресс-сулууспата сырдатар.
«ГАЗ» уонна «ПАЗ» мааркалаах дойду оҥорон таһаарар саҥа оптуобустарын оскуола оҕолорун тиэйиигэ, ону тэҥэ үөрэнээччилэр уонна педагогтар олимпиадаларга, куонкурустарга, күрэхтэһиилэргэ уо.д.а. үөрэх тэрээһиннэригэр баралларыгар туһаныахтара.
Өрөспүүбүлүкэҕэ оскуола оптуобустарын, массыыналарын саҥардыы тиһигин быспакка салҕанар. Кэлиҥҥи биэс сылга Саха сирин үөрэҕин тэрилтэлэрэ 299 оскуола саҥа оптуобуһун ыллылар.
Оскуола тырааныспардарын саҥардыы оҕолору тиэйиини куттала суох, табыгастаах оҥорор. Ону тэҥэ, өрөспүүбүлүкэ араас оройуоннарын үөрэнээччилэрэ, педагогтара үөрэх тэрээһиннэригэр, куонкурустарга кыттар кыахтарын улаатыннарар.
Өрөспүүбүлүкэ нэһилиэнньэлээх пууннара массыына кыһыҥҥы суола аһыллыар диэри ирдэнэр кээмэйдээх оттук-энэргэтиическэй саппааһынан олоччу хааччылыннылар. Бу…
«Күн бүгүн эрэгийиэн иһинээҕи көтүүлэри үбүлээһин өрөспүүбүлүкэ бүддьүөтүн суотугар эрэ ыытыллар. Бу сыалга 250 мөлүйүөн…
Арассыыйаҕа массыына атыылаһарга чэпчэтиилээх кирэдьииттээһин хас даҕаны судаарыстыбаннай бырагыраама үлэлиир. Ону туһанан саҥа массыынаны атыылаһыахха…
Бу күннэргэ Горнай улууһун Бэрдьигэстээх сэлиэнньэтин ыччаттара нэһилиэк сэбиэтэ тэриллибит күнүн бэлиэтээтилэр. Бу туһунан Бэрдьигэстээх…
Сэтинньи 4-6 күннэригэр Дьокуускайга Сомоҕолоһуу күнүгэр аналлаах норуот уус-уран оҥоһуктарыгар босхо маастар-кылаастары ыытыахтара. Тэрээһини «Мин…
Өлүөнэ муостатын тутар былаһааккаҕа өрүс флотун муус туруон иннинээҕи үлэтэ түмүктэннэ. Ааспыт сезон устата 20-чэ…