Саха сиригэр 20 тыһ. тахса аҕам саастаах дьон көхтөөх буолуу бырагырааманан хабылыннылар

Судаарыстыбаннай уонна муниципальнай тэрилтэлэри, кулууптар түмсүүлэрин уонна уопсастыбаннай тэрилтэлэри киллэрэн туран, 240 тахса тэрилтэ өрөспүүбүлүкэ 22 оройуонугар аҕам саастаах дьону кытта көхтөөхтүк үлэлииллэр. Ол курдук, физическэй култууранан уонна успуордунан, илии оҥоһуктарынан дьарыктаналлар, ону тэҥэ сынньалаҥнары тэрийэллэр.

Саха сиригэр 20 тыһыынчаттан тахса көхтөөхтүк олорор аҕам саастаах киһи баар. Ону тэҥэ кинилэртэн 400 киһи идэҕэ үөрэммит. Саха сирин Үлэҕэ уонна социальнай сайдыыга министиэристибэтэ кырдьаҕастар уһуннук олороллорун туһугар кыттыгас үбүлээһин ньыматын торумнаата. Бу бэрээдэк саастаах дьон күнүскү дьарыкка сылдьыыларыгар, социальнай туризмҥа, чэбдигирдэр лааҕырдарга үбү көрүүнү хааччыйар.

Маннык үлэ дойду Бэрэсидьиэнэ Владимир Путин көҕүлээбит “Демография” национальнай бырайыагынан” “Аҕам саастаах көлүөнэ” эрэгийиэннээҕи бырайыак чэрчитинэн ыытыллар.

СӨ Ил Дарханын уонна Бырабыыталыстыбатын пресс-сулууспата