Хаартыска: sakha.gov.ru
Саха сиригэр 41 823 официальнайдык регистрацияламмыт волонтер баар, кинилэр хайыы-үйэ 3000-тан тахса үтүө дьыаланы оҥордулар.
Бу туһунан СӨ ыччат дьыалаларыгар уонна социальнай коммуникацияларга миниистирин бастакы солбуйааччы Аида Антонова эттэ.
Кини #МЫВМЕСТЕ Бүтүн Арассыыйатааҕы бэйэ-бэйэҕэ көмөлөһүү аахсыйатын өрөспүүбүлүкэтээҕи штаба байыаннай дьайыы саҕаланыытыттан үлэлээбитин бэлиэтээтэ. Штаб байыаннай сулууспалаахтарга уонна кинилэр дьиэ кэргэттэригэр көхтөөх көмөнү оҥорор.
«Билигин өрөспүүбүлүкэ 36 улууһугар уонна куоратыгар волонтердар штабтара үлэлиир. Тоҕус гуманитарнай көмөнү хомуйар пуун баар. Волонтердар байыаннай дьайыы кыттыылаахтарыгар 150 туоннаттан тахса таһаҕаһы хомуйан ыыттылар, 140 000-тан тахса наадалаах малы оҥордулар. 8000-тан тахса байыас сөптөөх таҥаһы-сабы ылбыт, ону таһынан фроҥҥа 143 туоннаттан тахса таһаҕас уонна 5800 аадырыстаах баһыылка ыытыллыбыт. Актыбыыстар 68 тыһ. квадратнай миэтэрэттэн тахса хаххалыыр сиэккэни оҥордулар. Штаб үлэтигэр 6300-тэн тахса волонтер кыттар, — диэтэ Аида Антонова.
Кини бэлиэтээбитинэн, Саха сиригэр “Халааны утары” волонтерскай аахсыйа саҕаламмыт. Манна #МЫВМЕСТЕ штаб, “Устудьуоннар этэрээттэрэ” ыччат түмсүүтэ уонна «Биир ньыгыл Арассыыйа» баартыйа уопсастыбаннай өйөбүлүн штаба бииргэ холбоспуттар.
“Бу аахсыйа сыала-соруга – сааскы халаан кэмигэр дьоҥҥо аадырыстаах көмөнү оҥоруу уонна халааны утары үлэни ыытыы буолар”, — диэн спикер быһаарда. Уус Алдан улууһугар тимуровскай үлэлэр ыытыллыбыттар, онно «Зема» общественнай тэрилтэ 137 устудьуона кыттыбыт. Кинилэр 50 ыалга көмөлөспүттэр, тэрээһини СӨ ыччат дьыалаларыгар уонна социальнай коммуникацияларга миниистирэ Петр Шамаев салайан ыыппыт.
“Аныгыскы ыччат десана Нам улууһугар тахсара былааннанар”, — диэтэ Аида Антонова.
СӨ Ил Дарханын уонна Бырабыыталыстыбатын пресс-сулууспата.
Өрөспүүбүлүкэ нэһилиэнньэлээх пууннара массыына кыһыҥҥы суола аһыллыар диэри ирдэнэр кээмэйдээх оттук-энэргэтиическэй саппааһынан олоччу хааччылыннылар. Бу…
«Күн бүгүн эрэгийиэн иһинээҕи көтүүлэри үбүлээһин өрөспүүбүлүкэ бүддьүөтүн суотугар эрэ ыытыллар. Бу сыалга 250 мөлүйүөн…
Арассыыйаҕа массыына атыылаһарга чэпчэтиилээх кирэдьииттээһин хас даҕаны судаарыстыбаннай бырагыраама үлэлиир. Ону туһанан саҥа массыынаны атыылаһыахха…
Бу күннэргэ Горнай улууһун Бэрдьигэстээх сэлиэнньэтин ыччаттара нэһилиэк сэбиэтэ тэриллибит күнүн бэлиэтээтилэр. Бу туһунан Бэрдьигэстээх…
Сэтинньи 4-6 күннэригэр Дьокуускайга Сомоҕолоһуу күнүгэр аналлаах норуот уус-уран оҥоһуктарыгар босхо маастар-кылаастары ыытыахтара. Тэрээһини «Мин…
Өлүөнэ муостатын тутар былаһааккаҕа өрүс флотун муус туруон иннинээҕи үлэтэ түмүктэннэ. Ааспыт сезон устата 20-чэ…