Хаартыска: СӨ Экологияҕа министиэристибэтиттэн
Саха сиригэр ойуур баһаардарын умулларыыга 51 баһаарынай уонна 3 тиэхиньикэ хабылынна. Бу туһунан брифинг кэмигэр Экология, айылҕаны туһаныы уонна ойуур хаһаайыстыбатын миниистирин солбуйааччы, өрөспүүбүлүкэ кылаабынай лесничэйэ Андрей Коноплев иһитиннэрдэ.
Ыам ыйын 20 күнүн сарсыардааҥы туругунан, өрөспүүбүлүкэ сиригэр-уотугар 17 гектар иэннээх 3 ойуур баһаара баар. Баһаардар Өлүөхүмэ, Томпо уонна Уус Алдан улуустарыгар бэлиэтэннилэр. Ону тэҥэ Эбээн Бытантай улууһугар 1 ландшафтнай баһаар умайар.
«Айылҕа баһаардарын умулларыыга 51 киһи уонна 3 тиэхиньикэ үлэлиир. Уус Алдан улууһугар 7 гектар иэннээх биир ойуур баһаара бохсулунна», — диэтэ Коноплев.
Кини ону тэҥэ бүгүн авиациянан кэтээн көрүүгэ 10 салгын аала, оттон умулларыыга 2 Ми-8 бөртөлүөт кыттарын бэлиэтээтэ. Ойуурдарга баһаар кутталлаах үрдүкү кылааһа Нам, Чурапчы улуустарыгар уонна «Дьокуускай куорат» уокурук сиригэр-уотугар бэлиэтэнэр. Билиҥҥи кэмҥэ ойуур баһаардарын суһаллык умулларыы 100 бырыһыаҥҥа тиийэр.
Ойуур баһаара турар кутталлаах кэмэ саҕаланыаҕыттан өрөспүүбүлүкэҕэ 142 га иэннээх 25 ойуур баһаара уонна 601 га иэннээх 21 ландшафтнай баһаар бэлиэтэннэ. Ааспыт сыл маныаха тэҥнээх кэмигэр уопсайа 35 тыһыынча гаттан тахса иэннээх 77 ойуур баһаара уонна 5,4 тыһыынча га иэннээх 167 ландшафтнай баһаар бэлиэтэммитэ.
Айылҕа баһаардарын көрдөххүтүнэ, тутатына Ойуур хаһаайыстыбатын диспетчерскэй сулууспатыгар 44-74-76 төлөпүөнүнэн эрийиҥ. Ону тэҥэ ойууру харыстыыр биир кэлим нүөмэргэ: 8-800-100-94-00 эрийиэххэ сөп.
СӨ Ил Дарханын уонна Бырабыыталыстыбатын пресс-сулууспата
Сиһилии: https://www.sakha.gov.ru/news/49169
Өрөспүүбүлүкэ нэһилиэнньэлээх пууннара массыына кыһыҥҥы суола аһыллыар диэри ирдэнэр кээмэйдээх оттук-энэргэтиическэй саппааһынан олоччу хааччылыннылар. Бу…
«Күн бүгүн эрэгийиэн иһинээҕи көтүүлэри үбүлээһин өрөспүүбүлүкэ бүддьүөтүн суотугар эрэ ыытыллар. Бу сыалга 250 мөлүйүөн…
Арассыыйаҕа массыына атыылаһарга чэпчэтиилээх кирэдьииттээһин хас даҕаны судаарыстыбаннай бырагыраама үлэлиир. Ону туһанан саҥа массыынаны атыылаһыахха…
Бу күннэргэ Горнай улууһун Бэрдьигэстээх сэлиэнньэтин ыччаттара нэһилиэк сэбиэтэ тэриллибит күнүн бэлиэтээтилэр. Бу туһунан Бэрдьигэстээх…
Сэтинньи 4-6 күннэригэр Дьокуускайга Сомоҕолоһуу күнүгэр аналлаах норуот уус-уран оҥоһуктарыгар босхо маастар-кылаастары ыытыахтара. Тэрээһини «Мин…
Өлүөнэ муостатын тутар былаһааккаҕа өрүс флотун муус туруон иннинээҕи үлэтэ түмүктэннэ. Ааспыт сезон устата 20-чэ…