Саха сиригэр дойдуга баһаарынай сулууспа тэриллибитэ 375 сылын бэлиэтээтилэр
28.04.2024, 08:30
Хаартыска: СӨ ЫБММ пресс-сулууспата
Бөлөххө киир:
Бэҕэһээ, муус устар 27 күнүгэр, Арассыыйатааҕы ЫБММ Саха сиринээҕи управлениета Арассыыйатааҕы баһаарынай сулууспа тэриллибитэ 375 сылын бэлиэтээтэ.
Үөрүүлээх тэрээһин Дьокуускай куорат уулуссаларынан араас баһаарынай тиэхиньикэ автопробегыттан саҕаланна. Бу кэмҥэ баһаартан сэрэхтээх буолуу, гражданскай оборуона уонна быыһыыр дьыала бэтэрээннэрин кытта Кылаабынай управление салалтатын кытта көрсүһүү буолла.
«Арассыыйа- мин устуоруйам» историческай паарка территориятыгар тэрээһин сүрүн чааһа ыытылынна. Бырааһынньыкка СӨ ЫБММ ГУ начаалынньыга Павел Гарин кыттынна. Кини баһаарынай сулууспа үлэһиттэрин уонна бэтэрээннэрин идэлээх бырааһынньыктарынан эҕэрдэлээтэ.
Баһаарынай уонна быыһыыр сулууспалар саамай бастыҥнарыгар наҕараадалары туттардылар.
Ол кэннэ түмэл территориятыгар быыстапка тэриллэн үлэлээтэ.
+1
1
+1
+1
+1
+1
+1
+1
Сообщить об опечатке
Текст, который будет отправлен нашим редакторам: