Хаартыска: sakha.gov.ru ылылынна
Саха сиригэр «Бизнес-спринт (Мин успуорду талабын)» федеральнай бырайыагы олоххо киллэрии маассабай успуорду сайыннарыыга хайыы-үйэ биллэр түмүктэри аҕалар.
Бу туһунан СӨ успуорт министиэристибэтиттэн иһитиннэрдилэр. «Бизнес-спринт» РФ Бэрэсидьиэнэ Владимир Путин көҕүлээбит «Успуорт — олох нуормата» федеральнай бырайыагар киирсэр уонна икки сүрүн хайысхалаах: «өйдөөх» спортивнай былаһааккалары тэрийии уонна модульнай саалалары тутуу. Дойду Бэрэсидьиэнэ Арассыыйа бары дьоно-сэргэтэ сааһыттан тутулуга суох успуордунан дьарыктанар кыахтаах буолуохтаахтарын бэлиэтиир.
Бырайыак иитинэн Хатас сэлиэнньэтигэр, Покровскайга уонна Бүлүү куоратыгар 3 «өйдөөх» спортивнай былаһааккалар үлэҕэ киирбиттэрэ бэлиэтэнэр. Таатта улууһугар Чөркөөххө модульнай саала аһыллыбыта, Ньурба улууһугар Чаппандаҕа эмиэ итинник эбийиэк тутуллар.
Таатта улууһугар Чөркөөххө тутуллубут успуорт саалата олохтоохтору умсугутар, тардар киининэн буолла. Нэһилиэк баһылыгын э.т. Олег Ушницкай бэлиэтээбитинэн, саала баар буолуоҕуттан, күн аайы успуордунан дьарыктанар дьон ахсаана биллэ элбээбит.
—Дойду Бэрэсидьиэнэ Владимир Путин көҕүлээбит федеральнай бырайыактара эрэгийиэҥҥэ спортивнай инфраструктураны сайыннарыыга дьиҥ-чахчы бигэ тирэҕинэн буолаллар. «Бизнес-спринт» бырайыакка кыттан куораттарга, тыа сирдэригэр, успуордунан дьарыктанарга аныгы усулуобуйаны тэрийэбит, дьону-сэргэни чэгиэн буоларга угуйабыт уонна маассабай успуордунан дьарыктанааччы элбиир, — диэн СӨ успуорка миниистирэ Леонид Спиридонов бэлиэтиир.
Сиһилии: https://www.sakha.gov.ru/news/42885
СӨ Ил Дарханын уонна Бырабыыталыстыбатын пресс-сулууспата
Саха сиригэр Службапоконтракту14.рф саҥа саайт нөҥүө хантараагынан байыаннай сулууспаҕа барааччылар сайаапка хаалларыахтарын сөп. Российскай Федерация Сэбилэниилээх…
Синоптиктар иһитиннэрэллэринэн, бүгүн, алтынньы 28 күнүгэр, өрөспүүбүлүкэ үксүгэр кыралаан, оттон хоту улуустарга сорох сирдэринэн хаар…
Өрөспүүбүлүкэ нэһилиэнньэлээх пууннара массыына кыһыҥҥы суола аһыллыар диэри ирдэнэр кээмэйдээх оттук-энэргэтиическэй саппааһынан олоччу хааччылыннылар. Бу…
«Күн бүгүн эрэгийиэн иһинээҕи көтүүлэри үбүлээһин өрөспүүбүлүкэ бүддьүөтүн суотугар эрэ ыытыллар. Бу сыалга 250 мөлүйүөн…
Арассыыйаҕа массыына атыылаһарга чэпчэтиилээх кирэдьииттээһин хас даҕаны судаарыстыбаннай бырагыраама үлэлиир. Ону туһанан саҥа массыынаны атыылаһыахха…
Бу күннэргэ Горнай улууһун Бэрдьигэстээх сэлиэнньэтин ыччаттара нэһилиэк сэбиэтэ тэриллибит күнүн бэлиэтээтилэр. Бу туһунан Бэрдьигэстээх…