Хаартыска: Саргын Скрябин, ЯСИА
Бырабыытылыстыба оробуочай бөлөҕүн мунньаҕар ОДьКХ» ГУП түһүмэхтэринэн уларытан тэрийиигэ, ол иһигэр Арктикаҕа үлэлиир туспа тэрилтэни араарыы кыаҕын туһунан этиилэри дьүүллэстилэр.
Саха сирин премьер-миниистирэ Кирилл Бычков этиини дириҥник ырытан, нэдиэлэ иһигэр билиһиннэрэргэ сорудахтаата. Кини үп-харчы моделын оҥорорго уонна Хотугу сир олохтоохторугар туох да моһол, быстах кэмнээх да ыарахаттар тахсыбаттарын хааччыйарга ирдээтэ.
Кирилл Бычков Дьааҥы улууһун балаһыанньатыгар ураты болҕомтону уурда. Кини бэлиэтээбитинэн, олохтоох хомунаалынай тэрилтэлэргэ көрүллэр субсидия кээмэйэ атын Арктика оройуоннардааҕар икки төгүл үрдүк уонна сылга 3 миллиард солкуобайга тиийэр. Ону таһынан биир квадратнай миэтэрэҕэ ороскуота Муома улууһунааҕар чиэппэринэн үрдүк.
«Бүгүн бу улуус хомунаалынай комплексын тэрилтэлэригэр сылга 3 млрд солкуобай кэриҥэ субсидия көрүллэр — атын ханнык баҕарар Арктика улуустааҕар икки төгүл элбэх. Оттон хомунаалынай тэрилтэлэр биир квадратнай миэтэрэҕэ ороскуоттара манна Муома улууһунааҕар саамай кырата 25% үрдүк. Манан сибээстээн, бары дьайыылар көдьүүстэрин үрдэтэр сиһилии былааны бэлэмниэххэ наада», – диэн Бычков дьаһайда.
Мунньахха тэрилтэ үлэтин тупсарарга (оптимизацияҕа) сөптөөх хардыылары оҥоруу бэлиэтэннэ: буҕаалтырскай уонна экэнэмиичэскэй сулууспалар биир киинтэн салайыллар буоллулар, отчуоттааһын автоматтанна уонна салайар ороскуоттар аччаатылар.
Ол эрээри, премьер ОДьКХ дебиторскай иэһэ (дебиторская задолженность) олус үрдүгүн бэлиэтээн, ону намтатар чопчу былааны оҥорорго ирдээтэ.
Саха сиригэр Службапоконтракту14.рф саҥа саайт нөҥүө хантараагынан байыаннай сулууспаҕа барааччылар сайаапка хаалларыахтарын сөп. Российскай Федерация Сэбилэниилээх…
Синоптиктар иһитиннэрэллэринэн, бүгүн, алтынньы 28 күнүгэр, өрөспүүбүлүкэ үксүгэр кыралаан, оттон хоту улуустарга сорох сирдэринэн хаар…
Өрөспүүбүлүкэ нэһилиэнньэлээх пууннара массыына кыһыҥҥы суола аһыллыар диэри ирдэнэр кээмэйдээх оттук-энэргэтиическэй саппааһынан олоччу хааччылыннылар. Бу…
«Күн бүгүн эрэгийиэн иһинээҕи көтүүлэри үбүлээһин өрөспүүбүлүкэ бүддьүөтүн суотугар эрэ ыытыллар. Бу сыалга 250 мөлүйүөн…
Арассыыйаҕа массыына атыылаһарга чэпчэтиилээх кирэдьииттээһин хас даҕаны судаарыстыбаннай бырагыраама үлэлиир. Ону туһанан саҥа массыынаны атыылаһыахха…
Бу күннэргэ Горнай улууһун Бэрдьигэстээх сэлиэнньэтин ыччаттара нэһилиэк сэбиэтэ тэриллибит күнүн бэлиэтээтилэр. Бу туһунан Бэрдьигэстээх…