Sakhagov
Саха сиригэр PASECA пилота суох көтөр салгын суудуналарын роботизированнай мобильнай ыстаансыйаларын көрдөрдүлэр. Оҥоһуу СӨ Инновацияҕа, сыыппара сайдыытыгар уонна инфокоммуникационнай технологияларын миниистирэ Петр Николаев PASECA хампаанньа төрүттээччитин уонна тэхиниичэскэй дириэктэрин Константин Кудряшовы кытта оробуочай көрсүһүүтүн кэмигэр бырайыагы дьүүллэстилэр.
Көрсүһүү кэмигэр бырайыагы олоххо киллэрии хаамыытын түмүктэрин таһаардылар, үлэ түмүктэммит түһүмэхтэрин бэлиэтээтилэр уонна Дьокуускайга наадалаах тэриллэр баалларын бигэргэттилэр. Бу комплекс кыаҕын өрөспүүбүлүкэ усулуобуйатыгар тургутан көрүүгэ уонна көрдөрүүгэ кэлэр түһүмэххэ көһөргө кыах биэрэр.
Бырайыагы «Форпост» хампаанньа олоххо киллэрэр, ити Технопарк «Якутия» резиденэ уонна «Полярнай» научнай-производственнай киин пилота суох көтөр авиацияны сайыннарыыга сатабылларын уонна тургутууларын састаабыгар киирэр.
Роботизированнай мобильнай ыстаансыйа пилота суох көтөр салгын суудуналарын (БПЛА) автоматическайдык баазалааһыҥҥа аналлаах. Комплекс араас типтээх уонна оҥоһуулардаах БПЛА-ры таһаарарга, иитэргэ, салайарга уонна тэхиниичэскэй өттүнэн хааччыйарга кыах биэрэр. Ыстаансыйаны туһаныы пилота суох көтөр тиһиктэр автономнай үлэлэрин тэрийэргэ уонна оператордар куруук баар буолууларын наадатын биллэрдик аччатар.
Саха сирин Инновацияҕа, сыыппара сайдыытыгар уонна инфокоммуникационнай технологияларга министиэристибэтин иһитиннэриитинэн, оҥоһук территориялары кэтээн көрүүгэ, инфраструктура эбийиэктэрин чинчийиигэ, экологическай хонтуруолга, көрдөөһүн-быыһааһын үлэлэригэр уонна беспилотнай авиацияны тиһигин быспакка туһанарга наадыйар атын соруктарга туһаныллыан сөп, ол иһигэр ыраах сытар, уустук суоллаах сирдэргэ.
Миниистир Петр Николаев бэлиэтииринэн, роботизированнай мобильнай ыстаансыйалар БПЛА-лар тохтоло суох үлэлэрин хааччыйаллар уонна территориялары кэтээн көрүүгэ, инфраструктураны хонтуруоллааһыҥҥа уонна тиийэргэ уустук сирдэргэ соруктары быһаарыыга саҥа кыахтары арыйаллар.
«Саха сиригэр киэҥ сирдэрдээх уонна тыйыс айылҕалаах усулуобуйатыгар маннык быһаарыылар ордук ирдэнэллэр. Билигин бу тэрил Дьокуускайга баара уонна салгыы тургутан көрүүгэ бэлэмэ улахан суолталаах», — диэн Петр Николаев бэлиэтээтэ.
Бырайыак федеральнай таһымҥа өйөбүлү ылла. Оҥоһук «Сколково» пуондатынан биһирэннэ уонна инновационнай киин резидэнин статуһун ылла. Кини кэскиллээҕин «Техновосток 2030» бырагыраамаҕа кыайыыта эмиэ бигэргэттэ, онно бырайыак 9,99 мөлүйүөн солкуобайдаах грант өйөбүлүн ылла.
Саха Өрөспүүбүлүкэтин Ил Дарханын уонна Бырабыыталыстыбатын пресс-сулууспата
Өрөспүүбүлүкэ нэһилиэнньэлээх пууннара массыына кыһыҥҥы суола аһыллыар диэри ирдэнэр кээмэйдээх оттук-энэргэтиическэй саппааһынан олоччу хааччылыннылар. Бу…
«Күн бүгүн эрэгийиэн иһинээҕи көтүүлэри үбүлээһин өрөспүүбүлүкэ бүддьүөтүн суотугар эрэ ыытыллар. Бу сыалга 250 мөлүйүөн…
Арассыыйаҕа массыына атыылаһарга чэпчэтиилээх кирэдьииттээһин хас даҕаны судаарыстыбаннай бырагыраама үлэлиир. Ону туһанан саҥа массыынаны атыылаһыахха…
Бу күннэргэ Горнай улууһун Бэрдьигэстээх сэлиэнньэтин ыччаттара нэһилиэк сэбиэтэ тэриллибит күнүн бэлиэтээтилэр. Бу туһунан Бэрдьигэстээх…
Сэтинньи 4-6 күннэригэр Дьокуускайга Сомоҕолоһуу күнүгэр аналлаах норуот уус-уран оҥоһуктарыгар босхо маастар-кылаастары ыытыахтара. Тэрээһини «Мин…
Өлүөнэ муостатын тутар былаһааккаҕа өрүс флотун муус туруон иннинээҕи үлэтэ түмүктэннэ. Ааспыт сезон устата 20-чэ…