Хаартыска: "ВОИН" киин тиксэриитэ
Икки сыл иһигэр «ВОИН» кииҥҥэ 4086 киһи үөрэннэ, ол иһигэр 900-тэн тахса баҕа өттүнэн кыттааччы уонна хантараагынан барбыт дьон.
Эдэр ыччат бэйэтин сайыннарарыгар усулуобуйалары тэрийии, саҥа көлүөнэҕэ гражданскай эппиэтинэһи уонна патриотизмы иҥэрии — Арассыыйа Бэрэсидьиэнэ көҕүлээбит «Ыччат уонна оҕолор» национальнай бырайыак чэрчитинэн олоххо киирэр соруктар.
«Уһук Илин дойдутун таптыыр, эппиэтинэстээх уонна күүстээх көлүөнэни иитиигэ сүрүн былаһааккалартан биирдэстэрэ буолар, оттон Бэрэсидьиэн саҥа салаалары арыйар туһунан быһаарыыта бу үлэҕэ саҥа хамсааһыны биэриэҕэ», — диэн РФ Бырабыыталыстыбатын Бэрэссэдээтэлин солбуйааччы, «ВОИН» киин Кэтээн көрөр сэбиэтин бэрэссэдээтэлэ Юрий Трутнев бэлиэтээтэ.
«ВОИН» киин Саха сиринээҕи салаата 2024 сыллаахха арыллыбыта. Хамаандаҕа — 20 инструктор баар, олортон 18-һа байыаннай дьайыы кыттыылаахтара. Салайааччы — норуодунай дьокутаат, БАРС-2 штурмовой батальон хамандыыра, Хорсун быһыы уордьан кавалерэ Василий Егоров.
Кииҥҥэ үөрэх аҕыс хайысханан барар, ол иһигэр «Применение беспилотных систем», «Огневая подготовка», «Тактическая подготовка», «Первая помощь и тактическая медицина», «Инженерная подготовка» уо.д.а.
«ВОИН» киин курсана Анастасия Копцева бэйэтин уопутун уонна үөрэҕин түмүктэрин туһунан маннык кэпсиир:
«Саха сиринээҕи «ВОИН» Киин филиалыгар үөрэнэр кэммэр тактическай бэлэмнэнии төрүттэрин, БПЛА салайыыны, тактическай мэдиссиинэни баһылаатым. 2025 сылга Кыайыы параадыгар кыттыбытым. Ону таһынан икки сыл устата «Энергетик» лааҕыр базатыгар «Время юных героев» диэн сайыҥҥы байыаннай-патриотическай симиэнэлэргэ баһаатайынан үлэлээтим. Мин билигин курсант эрэ быһыытынан буолбакка, настаабынньык быһыытынан кыттабын».
Сиһилии https://www.sakha.gov.ru/news/62849
Өрөспүүбүлүкэ нэһилиэнньэлээх пууннара массыына кыһыҥҥы суола аһыллыар диэри ирдэнэр кээмэйдээх оттук-энэргэтиическэй саппааһынан олоччу хааччылыннылар. Бу…
«Күн бүгүн эрэгийиэн иһинээҕи көтүүлэри үбүлээһин өрөспүүбүлүкэ бүддьүөтүн суотугар эрэ ыытыллар. Бу сыалга 250 мөлүйүөн…
Арассыыйаҕа массыына атыылаһарга чэпчэтиилээх кирэдьииттээһин хас даҕаны судаарыстыбаннай бырагыраама үлэлиир. Ону туһанан саҥа массыынаны атыылаһыахха…
Бу күннэргэ Горнай улууһун Бэрдьигэстээх сэлиэнньэтин ыччаттара нэһилиэк сэбиэтэ тэриллибит күнүн бэлиэтээтилэр. Бу туһунан Бэрдьигэстээх…
Сэтинньи 4-6 күннэригэр Дьокуускайга Сомоҕолоһуу күнүгэр аналлаах норуот уус-уран оҥоһуктарыгар босхо маастар-кылаастары ыытыахтара. Тэрээһини «Мин…
Өлүөнэ муостатын тутар былаһааккаҕа өрүс флотун муус туруон иннинээҕи үлэтэ түмүктэннэ. Ааспыт сезон устата 20-чэ…