Сайаана Львова хаартыскаҕа түһэриитэ
Быйыл Саха сирин 24 муниципальнай тэриллиитигэр 47 км кэриҥэ суолу оҥоруохтара. Бу үлэҕэ 986 мөлүйүөн солкуобай көрүлүннэ. Бу туһунан «Актуальнай интервью» биэриигэ өрөспүүбүлүкэ тырааныспарга уонна суол хаһаайыстыбатыгар миниистирэ Владимир Сивцев иһитиннэрдэ.
Миниистир этэринэн, ааспыт биэс сылга былаастар улуустар икки ардыларынааҕы уонна бөһүөлэк иһинээҕи суоллары оҥорууга үбү-харчыны көхтөөхтүк көрөллөр. Үгүс сэлиэнньэлэргэ аспаал аан бастаан тэлгэннэ.
«Ааспыт сылга өрөспүүбүлүкэҕэ рекорд олохтоммута — 28 муниципальнай тэриллиигэ 114 км суол оҥоһуллан үлэҕэ киирбитэ. Бу үс сылга биһиэхэ 2,2 миллиард солкуобай көрүллүбүтэ», — диэн Сивцев бэлиэтээтэ.
2026 сыллааҕы объектар ортолоругар — Майа сэлиэнньэтин Алданскай уулуссата, Ороһу сэлиэнньэтин Киин уонна Сэбиэскэй уулуссалара, Покровскай куорат Исай Никифоров уонна Киров уулуссалара. Ону тэҥэ, Өймөкөөн улууһун Уус-Ньара бөһүөлэгэр Ленин уулуссатын саҥардыы саҕаланыаҕа.
Арассыыйа Бэрэсидьиэнэ Владимир Путин көҕүлээбит «Олох инфраструктурата» национальнай бырайыагы олоххо киллэрии салҕанар. Быйыл 94 км суолу нормативнай турукка киллэрии былааннанар: 75 км — эрэгийиэннээҕи тыраасса, 12 км — улахан куораттар суоллара уонна 7 км — Дьокуускай куорат уулусса-суол ситимэ. Бары эбийиэктэр үлэҕэ киирдилэр.
Дьокуускай куоракка саамай улахан бырайыагынан Хабаров, Ефимов уонна Ярославскай уулуссалар быһа охсууларыгар баар тырааныспар сырыыта буолар. Маны сыл бүтүөр диэри тутан бүтэрэр былааннаахтар. Эрэгийиэннээҕи тыраассаҕа «Амма», «Муухтуйа», «Анаабыр» уонна «Нам» суолларыгар үлэлэр ыытыллаллар.
Ааспыт сылга национальнай бырайыак чэрчитинэн Саха сиригэр 130,69 км суол оҥоһуллубута, онтон 109,47 км — эрэгийиэннээҕи ситимҥэ. Оҥоһуллубут учаастактар 85,74% нормативнай турукка киллэриллибиттэрэ. Дьокуускай агломерациятыгар 11,88 км суол оҥоһуллубута, кинилэр нормативнай туруктара 85% тиийбитэ.
Өрөспүүбүлүкэ нэһилиэнньэлээх пууннара массыына кыһыҥҥы суола аһыллыар диэри ирдэнэр кээмэйдээх оттук-энэргэтиическэй саппааһынан олоччу хааччылыннылар. Бу…
«Күн бүгүн эрэгийиэн иһинээҕи көтүүлэри үбүлээһин өрөспүүбүлүкэ бүддьүөтүн суотугар эрэ ыытыллар. Бу сыалга 250 мөлүйүөн…
Арассыыйаҕа массыына атыылаһарга чэпчэтиилээх кирэдьииттээһин хас даҕаны судаарыстыбаннай бырагыраама үлэлиир. Ону туһанан саҥа массыынаны атыылаһыахха…
Бу күннэргэ Горнай улууһун Бэрдьигэстээх сэлиэнньэтин ыччаттара нэһилиэк сэбиэтэ тэриллибит күнүн бэлиэтээтилэр. Бу туһунан Бэрдьигэстээх…
Сэтинньи 4-6 күннэригэр Дьокуускайга Сомоҕолоһуу күнүгэр аналлаах норуот уус-уран оҥоһуктарыгар босхо маастар-кылаастары ыытыахтара. Тэрээһини «Мин…
Өлүөнэ муостатын тутар былаһааккаҕа өрүс флотун муус туруон иннинээҕи үлэтэ түмүктэннэ. Ааспыт сезон устата 20-чэ…