Саха сирин байыаннай сулууспалаахтара квадракоптер операторыгар үөрэниэхтэрин сөп

Саха сиригэр киһи быраабыгар боломуочуйалааҕа Сардана Гурьева иһитиннэрбитинэн, дойдуларыгар, Саха сиригэр кэлбит байыаннай сулууспалаахтар сынньанар эрэ буолбакка, саҥа дьоҕуру уонна идэни баһылыыр кыахтаналлар.

“Биһиги байыаннай сулууспалаахтарбыт дьиэлэригэр кэлэн, чугас дьоннорун, аймахтарын көрсөн уонна күүс-уох ылынан баран, байыаннай сулууспаҕа наадалаах саҥа сатабылы баһылыахтарын сөп. Ол курдук, Дьокуускай куоракка Сибээс уонна энергетика кэллиэһин баазатыгар квадракоптер оператордарыгар үөрэтии тэрилиннэ. Бу үлэ олус наадалаах уонна байыаннай сулууспалаахтар саҥа идэни ылалларыгар көмөлөһөр”, — диэн Сардана Гурьева иһитиннэрдэ.