Хаартыска sakha.gov.ru
Саха сиригэр үлэлиир тэрилтэлэр айылҕа харыстабылын 80 бырагырааматын олоххо киллэрэ сылдьаллар. Бу үлэ өрөспүүбүлүкэ баһылыга Айсен Николаев «Саха Өрөспүүбүлүкэтин экологическай туругун туһунан» стратегическай ыйааҕын чэрчитинэн ыытыллар диэн СӨ экологияҕа, айылҕаны туһаныыга уонна ойуур хаһаайыстыбатыгар министиэристибэтэ иһитиннэрэр.
Ил Дархан ыйааҕынан, 2030 сылга диэри маннык бырагыраамалары олоххо киллэрэр тэрилтэлэр ахсааннарын сүүсчэкэҕэ диэри элбэтэр сорук турар. Кинилэр айылҕаҕа буортулаах дьайыыны намтатарга уонна айылҕа баайын сөптөөхтүк туһанарга туһуланаллар. Бу үлэ РФ Бэрэсидьиэнэ Владимир Путин көҕүлээбит «Экологическай туруктаах буолуу» национальнай бырайыак чэрчитинэн барар.
«СӨ Экологияҕа министиэристибэтэ айылҕаны туһанааччы тэрилтэлэри кытта айылҕаны харыстааһын орто болдьохтоох киэҥ бырагыраамаларын оҥорууга уонна олоххо киллэриигэ тиһиктээхтик үлэлиир. Бүгүҥҥү күҥҥэ маннык бырагыраамалары 80 бөдөҥ тэрилтэ номнуо олоххо киллэрэ сылдьар. 2025 сылга бу сыалларга 20 млрд солкуобайтан тахса үп угуллубута, оттон 2026 сылга 18,4 млрд солкуобай көрүлүннэ», — диэн СӨ экологияҕа, айылҕаны туһаныыга уонна ойуур хаһаайыстыбатыгар министиэристибэтин Экологическай куттал суох буолуутун уонна быраап эспэртиисэтин департаменын салайааччыта Вера Степанова иһитиннэрдэ. Кини этэринэн, айылҕа харыстабылыгар бырагыраамалар тулалыыр эйгэни киртитэр бэссэстибэлэри быраҕыыны аҕыйатыы, оҥорон таһаарыы тобоҕун кээмэйин кыччатыы, ойууру чөлүгэр түһэрии, хамсыыр-харамай эйгэтин харыстааһын, сир уонна уу ресурсаларын табыгастаахтык туһаныы, ону тэҥэ экологическай кутталлары сэрэтии курдук киэҥ хабааннаах дьаһаллары хабар.
Маныаха холобур быһыытынан «Якутуголь» ХК ААУо-ны аҕалыахха сөп, манна 2022-2026 сылларга аналлаах киэҥ бырагыраама үлэлиир. Ол атмосфераттан уу уонна сир ресурсаларын харыстааһын, ону тэҥэ оҥорон таһаарыы тобоҕун дьаһайар систиэми тупсарыы дьаһалларын киллэрэр. «Колмар», «Сургутнефтегаз» уонна АЛРОСА хампаанньалар ыраастаммыт ууну таһаарар аныгы тутуулары, оттон «Якутуголь» уонна «Эльгауголь» атмосфера салгыныгар дьайыыны намтатар быылы тутар установкалары туһаналлар.
«Маннык үлэ сир баайын туһанааччылар экологическай эппиэтинэстэрин үрдэтэр уонна өрөспүүбүлүкэ кэлэр көлүөнэлэр тустарыгар айылҕаны харыстааһыҥҥа, айылҕа баайын табыгастаахтык туһаныыга уонна туруктаах сайдыыга ылбыт куурсун бигэргэтэр», — диэн Вера Степанова бэлиэтээтэ. Тэрилтэлэри өйүүр сыалтан Экология министиэристибэтинэн орто болдьоххо айылҕаны харыстааһын киэҥ бырагыраамаларын оҥорууга, сөбүлэһиннэриигэ уонна олоххо киллэриигэ методическай сүбэлэр бигэргэммиттэр.
Саха сиригэр Службапоконтракту14.рф саҥа саайт нөҥүө хантараагынан байыаннай сулууспаҕа барааччылар сайаапка хаалларыахтарын сөп. Российскай Федерация Сэбилэниилээх…
Синоптиктар иһитиннэрэллэринэн, бүгүн, алтынньы 28 күнүгэр, өрөспүүбүлүкэ үксүгэр кыралаан, оттон хоту улуустарга сорох сирдэринэн хаар…
Өрөспүүбүлүкэ нэһилиэнньэлээх пууннара массыына кыһыҥҥы суола аһыллыар диэри ирдэнэр кээмэйдээх оттук-энэргэтиическэй саппааһынан олоччу хааччылыннылар. Бу…
«Күн бүгүн эрэгийиэн иһинээҕи көтүүлэри үбүлээһин өрөспүүбүлүкэ бүддьүөтүн суотугар эрэ ыытыллар. Бу сыалга 250 мөлүйүөн…
Арассыыйаҕа массыына атыылаһарга чэпчэтиилээх кирэдьииттээһин хас даҕаны судаарыстыбаннай бырагыраама үлэлиир. Ону туһанан саҥа массыынаны атыылаһыахха…
Бу күннэргэ Горнай улууһун Бэрдьигэстээх сэлиэнньэтин ыччаттара нэһилиэк сэбиэтэ тэриллибит күнүн бэлиэтээтилэр. Бу туһунан Бэрдьигэстээх…