Саха сирин тустууктара Азия чөмпүйэнээтигэр кытталлар

Кыргызстаҥҥа бүгүҥҥүттэн, муус устар 11 күнүттэн, көҥүл тустууга Азия чөмпүйэнээтэ саҕаланна. Манна Саха сириттэн сылдьар түөрт тустуук — Айаал Лазарев, Айаал Белолюбскай, Андрей Аронов уонна Виктор Рассадин кытталлар. Бу туһунан «Триумф» успуорка бэлэмнээх буолуу киинэ иһитиннэрэр.

Айаал Лазарев өссө биирдэ пьедесталга тахсар туһуттан 125 киилэҕэ тустар. Санаттахха, кини суотугар бу чөмпүйэнээт кыһыл көмүс, үрүҥ көмүс уонна боруонса мэтээллэрэ бааллар.

Оттон Айаал Белолюбскай (57 киилэҕэ), Виктор Рассадин (74 киилэҕэ) уонна Андрей Аронов (97 киилэҕэ) бастакыларын кытталлар.

Уолаттар тустар пааралара билиннэ:

57 киилэҕэ: Айаал Белолюбскай- Кум Хьек Ким (КНДР)

74 киилэҕэ: Виктор Рассадин-Хан Сон Го (Корея)

97 киилэҕэ: Андрей Аронов-Ризабек Айтмухан (Казахстан)

125 киилэҕэ: Айаал Лазарев-Бухердун (Кытай)/Ямомото (Япония) паараттан кыайбыты кытта тустуоҕа.

Чөмпүйэнээти манна көрүҥ: https://vk.com/wall-221814623_265125