Саха сирин ыччатын уонна оҕолорун «Мой Дальний» видеоэссе куонкуруһугар кыттарга ыҥыраллар

Уһук Илин эрэгийиэннэрин туһунан ыччакка уонна оҕолорго аналлаах «Мой Дальний» видеоэссе куонкуруһа саҕаланна. Быйылгы куонкурус тиэмэтэ — «Уһук Илиҥҥэ — мин карьерам». 14-тэн 18 сааһыгар диэри оскуола оҕолорун уонна устудьуоннары инники талбыт идэлэрин кытта билиһиннэрэргэ уонна көрдөрөргө ыҥыраллар.

Сүрүн бириистэр:

• 9 кыайыылаах видеоэссе устубут Уһук Илиҥҥэ икки киһиэхэ аналлаах босхо айаҥҥа барар кыахтаныахтара.
• 18 финалист анал бириистэринэн бэлиэтэниэ.
• Анал номинацияҕа оҥоһуу өйү туһанан, «Больше, чем путешествие» бырагырааманан Арассыыйа иһинэн үс айаны оонньотуохтара.

Куонкурус хайдах ыытылларый?

Кыттыыны ылааччы бэлиэтэммитин кэннэ, киниэхэ анал куонкурус хаамыытынан Уһук Илин эрэгийиэннэриттэн биирэ талыллыа (рандомнай ньыманан). Кини эрэгийиэнин туһунан видеоэссе устуохтаах. Оттон Уһук Илиҥҥэ олорор оҕолорго атын субъект талыллыа.

Болдьоҕо:

• Бэлиэтэнии — алтынньы 9 күнүгэр диэри.
• Кыайыылаахтар ааттара — ахсынньы 1 күнүгэр биллэриллиэҕэ.

Куонкурус «Дни регионов Дальнего Востока в Москве» сыллааҕы бырайыак чэрчитинэн ыытыллар. Тэрээһин Арассыыйа Федерациятын Бэрэсидьиэнин Уһук Илиҥҥэ бэрэстэбиитэлин аппараатын, Уһук Илин уонна Арктика сайдыытыгар министиэристибэтин, «Уһук Илин уонна Арктика сайдыытын корпорацията» уонна «Фонд развития социальных инициатив» өйөбүлүнэн буолар.

Сиһилии  бу сигэнэн көрүҥ: https://ddv.moscow/konkurs/