Хаартыска: sakhagov.ru
Үс саха хампаанньата Кытай Харбин куоратыгар буола турар «Арассыыйа-Кытай ЭКСПО» быыстапка иһинэн ыытыллар «Арассыыйаҕа оҥоһулунна» бэстибээлгэ кыттар. Саха сирин аан дойдутааҕы таһымҥа «Саха Таас» ХЭТ, урбаанньыт Василий Александрович Борисов, «ВИТАНОРД» ХЭТ билиһиннэрэллэр.
Бэстибээл-дьаарбаҥка Харбин норуоттар икки ардыларынааҕы атыы-эргиэн дьаарбаҥкатыгар аһылынна уонна ыам ыйын 21 күнүгэр диэри ыытыллыаҕа. Арассыыйа экспортнай киинэ тэрийэр тэрээһинэ үһүс сылын Харбиҥҥа ыытыллар, бу Арассыыйа-Кытай атыы-эргиэн уонна экэниэмикэ бииргэ үлэлээһинин сүрүн киининэн буолар.
Быыстапкаҕа дойду 37 эрэгийиэниттэн 100-тэн тахса Арассыыйа оҥорон таһаарааччылара кытталлар. Ыалдьыттарга тыа хаһаайыстыбатын бородууксуйатын, утахтары уонна аска эбиликтэри, косметиканы, дьон киэҥник туһанар табаарын, сувенирдары, киэргэллэри уонна айан өҥөтүн көрдөрөллөр. Тэрийээччилэр бэлиэтииллэринэн, Саха сирэ билигин айылҕа баайдаах эрэгийиэн эрэ буолбакка, аныгы технология, кэлим логистика, аан дойдутааҕы бииргэ үлэлээһин сирэ буолар.
Арассыыйа, Кытай бырабыыталыстыбаларын уонна биисинэс бэрэстэбиитэллэрэ кытыннылар, ол иһигэр: Ил Дархан Айсен Николаев, Амур уобалаһын губернатора Василий Орлов, Калмыкия баһылыга Хасиков Бату, Харбиҥҥа Арассыыйа генеральнай консула Сергей Линник, Кытай Хэйлунцзян уонна Ляонин провинцияларын бэрэстэбиитэллэрэ.
Бэстибээл кыттыылаахтарын Арассыыйа бырабыыталыстыбатын бэрэссэдээтэлин солбуйааччы Дмитрий Чернышенко эҕэрдэлээтэ: «Арассыыйаҕа оҥоһулунна» бэстибээл үтүө үгэскэ кубулуйан, икки дойду сыһыаннарын бөҕөргөтөргө, бэйэ бородууксуйатын тарҕатарга, Кытай ырыынагар Арассыыйа хампаанньаларын кыахтарын кэҥэтэргэ олук уурарын тоһоҕолоото.
Арассыыйа экспортнай киинин генеральнай дириэктэрэ Вероника Никишина Арассыыйа Кытайга сырьетан, энэргиэтикэттэн атын бородууксуйатын таһаарыы салгыы элбиирин, бэстибээл-дьаарбаҥка дойду оҥорон таһаарааччыларыгар Кытай ырыынагар киирэллэригэр саҥа кыахтары арыйарын бэлиэтээтэ. Кини этэринэн, бу кэм устата бэстибээллэргэ 500-тэн тахса Арассыыйа хампаанньата кытынна, 2 тыһыынчаттан тахса дьыалабыай көрсүһүү ыытылынна.
Бэстибээл ыалдьыттарыгар баай култуурунай бырагырааманы бэлэмнээтилэр. Ыалдьыттар нуучча төрүт аһын билсиэхтэрин, маастар-кылаастарга сылдьыахтарын, нууччалыы анимацияныкөрүөхтэрин сөп. Бэстибээл сайтыттан мөлүйүөнүнэн көрөөччүгэ быһа эпииргэ тахсар кытай блогердара Арассыыйа табаардарын салгыы тарҕаталлар.
Тэрийээччилэр бэстибээл-дьаарбаҥка Арассыыйа уонна Кытай икки ардыларыгар атыы-эргиэн, экэнэмиичэскэй бииргэ үлэлээһиннэрин сайыннарыыга улахан суолталаах буоларын тоһоҕолоон бэлиэтииллэр. 2026 сылга тэрээһиҥҥэ 400-чэ дьыалабыай кэпсэтии ыытыллыахтаах.
Сиһилии: https://www.sakha.gov.ru/news/49194
Өрөспүүбүлүкэ нэһилиэнньэлээх пууннара массыына кыһыҥҥы суола аһыллыар диэри ирдэнэр кээмэйдээх оттук-энэргэтиическэй саппааһынан олоччу хааччылыннылар. Бу…
«Күн бүгүн эрэгийиэн иһинээҕи көтүүлэри үбүлээһин өрөспүүбүлүкэ бүддьүөтүн суотугар эрэ ыытыллар. Бу сыалга 250 мөлүйүөн…
Арассыыйаҕа массыына атыылаһарга чэпчэтиилээх кирэдьииттээһин хас даҕаны судаарыстыбаннай бырагыраама үлэлиир. Ону туһанан саҥа массыынаны атыылаһыахха…
Бу күннэргэ Горнай улууһун Бэрдьигэстээх сэлиэнньэтин ыччаттара нэһилиэк сэбиэтэ тэриллибит күнүн бэлиэтээтилэр. Бу туһунан Бэрдьигэстээх…
Сэтинньи 4-6 күннэригэр Дьокуускайга Сомоҕолоһуу күнүгэр аналлаах норуот уус-уран оҥоһуктарыгар босхо маастар-кылаастары ыытыахтара. Тэрээһини «Мин…
Өлүөнэ муостатын тутар былаһааккаҕа өрүс флотун муус туруон иннинээҕи үлэтэ түмүктэннэ. Ааспыт сезон устата 20-чэ…