Сахастат хамаандата Арассыыйа чөмпүйэнээтин супериналиһа буолла
Сахастат «Хотун» хамаандата Росстат Кубогын кыайда уонна Башкортостан Өрөспүүбүлүкэтигэр ыытыллар Арассыыйа Global Management Challenge стратегия уонна салайыы түһүмэҕэр аан дойду чөмпүйэнээтин супериналиһа буолла.
Кыттааччылар биисинэс-симуляторга күрэхтэстилэр – виртуальной хампаанньаны салайдылар, отчуоту анаалыстаатылар, салайар быһаарыныыны ыллылар уонна сайдыы стратегиятын оҥордулар.
Арассыыйа бары муннуктарыттан 100-тэн тахса статистар хамаандалара онлайн сүүмэрдиир туурга күрэхтэстилэр. Бастакы биэс миэстэни ылбыт хамаандалар Уфаҕа Global Management Challenge түмүктүүр түһүмэҕэр кытыннылар.
От ыйын 3 күнүгэр тыҥааһыннаах киирсии түмүгэр күүстээхтэр быһаарылыннылар. Биһиги хамаандабытын бу күрэскэ Инна Соловьева, Алена Артемьева, Айталина Луковцева, Яна Егорова уонна Юлия Томаска көмүскээтилэр диэн Сахастат тэрилтэ пресс-сулууспата иһитиннэрэр.
Сообщить об опечатке
Текст, который будет отправлен нашим редакторам: