Хаартыска: «Сделано в Якутии» Ассоциация
«Көмүлүөк» уонна «ISABELLA PAVLOVA» саха брендтара Санкт-Петербург куоракка ыытыллыбыт XXXIII норуоттар икки ардыларынааҕы JUNWEX ювелирнай быыстапка куонкуруһугар ситиһиилэннилэр.
Куонкуруска «Саха сиригэр оҥоһулунна»/«Сделано в Якутии» урбаанньыттар Ассоциацията быыстапкаҕа алта ювилернай хампаанньа көрүүгэ оҥуктарын туруордулар.
Ол курдук, бастакы миэстэни «Көмүлүөк» хампаанньаттан «Алтан-Арт» бренд оҥоһуктара ыллылар. Оттон «ISABELLA PAVLOVA» саха бренда Арассыыйаттан уонна тас дойдулартан 500-тэн тахса кыттааччылартан «Этнические мотивы» категорияҕа иккис миэстэни ылла. Кинини кытта иккис миэстэни «Мастерская Петра Алексеева» бренд үллэһиннэ.
Бренд ааптара, урбаанньыт, худуоһунньук, «Саха сиригэр оҥоһулунна»/«Сделано в Якутии» Ассоциация чилиэнэ Изабелла Павлова быыстапкаҕа этническэй истиилинэн толоруллубут ураты оҥоһуулаах киэргэллэри уонна аксессуардары билиһиннэрдэ. Бренд кэлиэксийэтэ алтантан, мельхиортан, күндү таастартан, кристаллартан, таҥастан, тирииттэн уонна өрүс таастарыттан оҥоһуллубут.«Легенды о мамонтах» киэргэллэр кэмпилиэгэ уонна уонна хаар ачыкы-чарапчы дьүүллүүр сүбэ үрдүк сыанабылын ыллылар.
– Быыстапка аһыллыытыгар ыалдьыттар «Саха сиригэр оҥоһулунна»/«Сделано в Якутии» павильона саамай кэрэ уонна интэриэһинэй буоларын бэлиэтээбиттэрэ. Дьиҥэр биһигини кытта атын ураты бөдөҥ ювелирнай фирмалар эмиэ кытыбыттара. Хаар ачыкыны итальянскай дизайнеры көрөн олус диэн сөхтө. Ачыкыны кыыһым Снежана Варламова билилиһиннэрбитэ, — диэн Изабелла кэпсиир.
Ил Түмэҥҥэ судаарыстыбаннай уонна уопсастыбаннай диэйэтэл, Саха Өрөспүүбүлүкэтин норуотун хаһаайыстыбатын үтүөлээх үлэһитэ, «Бочуот Знага», «Үлэ Кыһыл…
СӨ Тырааныспарга уонна суол хаһаайыстыбатыгар министиэристибэтэ өрөспүүбүлүкэ иһинээҕи улуустар икки ардыларыынаҕы оптуобус маршруттарын үлэтин туһунан…
Нам оройуонун киин балыыһатын саҥа куорпуһа быйыл муус устарга үлэҕэ киириэҕиттэн үрдүк түмүктэри көрдөрөр. Бу…
«Дороги Арктики» тэрилтэ быйыл кыһыҥҥы суоллар арыллар барыллаан кыраапыгын таһаарда. Суоллар муус халыҥыттан уонна массыына…
ИДьМ пресс сулууспата иһитиннэрбитинэн, Дьокуускай куорат 1-кы №-дээх полиция отделыгар куорат олохтооҕо дьахтартан үҥсүү киирбит.…
РФ Бэрэсидьиэнэ Владимир Путин көҕүлүүр “Дьиэ кэргэн” национальнай бырайыагын чэрчитинэн ыытыллар үлэ сүрүн соруктарыттан биирдэстэринэн…