Өрөспүүбүлүкэҕэ кыһыҥҥы суоллары арыйыы барыллаан кыраапыга бигэргэннэ

«Дороги Арктики» тэрилтэ быйыл кыһыҥҥы суоллар арыллар барыллаан кыраапыгын таһаарда. Суоллар муус халыҥыттан уонна массыына уйугуттан (10, 20 уонна 30 туоннаҕа диэри) көрөн түһүмэхтэринэн аһыллыахтара.

АХСЫННЬЫ ЫЙГА (10-20 туоннаҕа диэри):

• Ахсынньы 1 күнэ (10 т.): «Верхоянье» суолугар Иван-Сирэ — Баатаҕай Алыыта, Дьаарҕалаахха, Кустурга киирэр суоллар, Верхоянскай тула суоллар, ону таһынан «Уус Куйга — Депутатскай — Үрүҥ Хайа» суолун Депутатскай — Уйаандьы учаастага.
• Ахсынньы 4 күнэ (10 т.): «Кресты» суолугар Уус Куйга — Хаһаачыйа.
• Ахсынньы 10 күнэ (20 т.): «Муома» суола уонна Иван-Сирэ — Баатаҕай Алыыта.
• Ахсынньы 25 күнэ (20 т.): «Арктика» суолун сорох учаастактара.
• Ахсынньы 30 күнэ (20 т.): «Яна» уонна «Индигиир» суоллара. (Ону таһынан ахсынньы бүтүүтүгэр «Сэбээн», «Булуҥ» уонна «Алаһыайа» суоллара 20 туоннаҕа диэри аһыллыахтара).

ТОХСУННЬУ ЫЙГА (30 туоннаҕа диэри):

• Тохсунньу 12 күнэ: «Верхоянье», «Кресты» уонна «Муома» суоллара.
• Тохсунньу 25 күнэ: «Яна» суола.
• Тохсунньу 29 күнэ: «Арктика» уонна «Индигиир» суолларын сорох учаастактара.

Болҕойуҥ: Бу кыраапык барыллаан буолар. Суол аһыллара муус халыҥыттан уонна күн-дьыл туругуттан тутулуктаах диэн «Дороги Арктики» тэрилтэ сэрэтэр. Онон айаҥҥа турунаргытыгар суол туругун чопчулаһаарыҥ.

Саха Өрөспүүбүлүкэтин Ил Дарханын уонна Бырабыыталыстыбатын пресс-сулууспата.

Сиһилии: https://www.sakha.gov.ru/news/68272