Сенатор Сахамин Афанасьев бэрэсидьиэҥҥэ хандьыдаат Владимир Путины өйөөтө  

Саха сириттэн РФ Сэбиэтин сенатора Сахамин Афанасьев Арассыыйа Бэрэсэдьиэнин быыбарыгар хандьыдаатынан кыттарга Владимир Путины өйөөн, илии баттаата.

— Владимир Путин дойду Аҕа баһылыгын быһыытынан өр сылларга Саха сирин социальнай-экэнэмиичэскэй сайдыытыгар улахан өйөбүлү оҥордо. Кини үлэтин хайысхата, дьыалата чопчу Саха сирин кэскиллээх саҕахтарыгар, бырайыактарыгар, тосхоллоругар туһуланар, — диэн санаатын үллэһиннэ Сахамин Афанасьев.

Владимир Путины өйүүргэ илии баттааһыны хомуйар пуун 2023 сыл ахсынньы 23 күнүгэр «Бүтүн Арассыыйатааҕы норуот фронун» эдэр актыбыыстарын көҕүлээһининэн арыллыбыта. Манна волонтердар үлэлииллэр.

Пуун «Столица» эргиэн дьиэтин бастакы этээһигэр маннык аадырыска баар: Ленин уул., 16. Күн аайы 10.00-тан 20.00 диэри үлэлиир.