Хаартыска: Росстат
2026 сыл алтынньы 13 күнүттэн 22 күнүгэр диэри Федеральнай судаарыстыбаннай статистика сулууспата (Росстат) VIII Арассыыйатааҕы статистика дьыктаанын ыытар. Быйыл бу сырдатар аахсыйа Арассыыйа судаарыстыбаннай статистиката төрүттэммитэ 215 сылыгар ананар. Кыттарга Саха сирин олохтоохторо, ол иһигэр оскуола үөрэнээччилэрэ, устудьуоннар, судаарыстыбаннай тэрилтэлэр үлэһиттэрэ, ону тэҥэ статистика эйгэтигэр бэйэлэрин билиилэрин тургутан көрүөн баҕалаахтар бары ыҥырыллаллар.
Дьыктаан сүрүн сыала — нэһилиэнньэ статистика туһунан билиитин үрдэтии, ырытар, быһаарар уонна статистическай дааннайдары быраактыкаҕа туһанар сатабыллары сайыннарыы. Кыттааччылар күннээҕи олоххо, үлэҕэ уонна быһаарыыны ылынарга туттуллар информацияны кытта үлэлииргэ бэйэлэрин билиилэрин уонна сатабылларын тургутан көрүөхтэрэ.
Статистиканы билии аныгы киһи биир суолталаах сатабылларыттан биирдэстэрэ буолар. Ахсааннаах информацияны сөпкө ылынар уонна ырытар кыах араас сибидиэнньэлэри сыаналыырга, социальнай-экэнэмиичэскэй быһыыны-майгыны өйдүүргэ уонна олохтоох түмүктэри оҥорорго көмөлөһөр.
Быйыл аахсыйа-бырайыак бииргэ үлэлэһээччитэ — «Россия — страна возможностей» автономнай кэмиэрчэскэйэ суох тэрилтэ цифровой инфраструктуратын туһанан, онлайн-эрэсиимҥэ ыытыллар.
Дьыктааны ааспыт хас биирдии кыттааччы электроннай сэртипикээти ылыаҕа, ону кини идэлээх портфолиотыгар киллэриэн сөп. Аахсыйаҕа кыттыы идэ сатабылларын таһымын үрдэтэргэ эбии кыаҕы биэриэн сөп.
Ураты болҕомто үөрэх тэрилтэлэрин үөрэнээччилэрин аахсыйаҕа тардыыга ууруллар. Оскуола үөрэнээччилэригэр уонна устудьуоннарга дьыктааҥҥа кыттыы үөрэх кэмигэр ылбыт билиилэрин бигэргэтэргэ уонна олох араас эйгэтигэр статистиканы быраактыкаҕа туһаныыны кытта билсэргэ кыаҕы биэриэҕэ.
Саха Өрөспүүбүлүкэтин Баһылыгын уонна Саха Өрөспүүбүлүкэтин Бырабыыталыстыбатын пресс-сулууспата.
Сиһилии: https://www.sakha.gov.ru/news/66490
Өрөспүүбүлүкэ нэһилиэнньэлээх пууннара массыына кыһыҥҥы суола аһыллыар диэри ирдэнэр кээмэйдээх оттук-энэргэтиическэй саппааһынан олоччу хааччылыннылар. Бу…
«Күн бүгүн эрэгийиэн иһинээҕи көтүүлэри үбүлээһин өрөспүүбүлүкэ бүддьүөтүн суотугар эрэ ыытыллар. Бу сыалга 250 мөлүйүөн…
Арассыыйаҕа массыына атыылаһарга чэпчэтиилээх кирэдьииттээһин хас даҕаны судаарыстыбаннай бырагыраама үлэлиир. Ону туһанан саҥа массыынаны атыылаһыахха…
Бу күннэргэ Горнай улууһун Бэрдьигэстээх сэлиэнньэтин ыччаттара нэһилиэк сэбиэтэ тэриллибит күнүн бэлиэтээтилэр. Бу туһунан Бэрдьигэстээх…
Сэтинньи 4-6 күннэригэр Дьокуускайга Сомоҕолоһуу күнүгэр аналлаах норуот уус-уран оҥоһуктарыгар босхо маастар-кылаастары ыытыахтара. Тэрээһини «Мин…
Өлүөнэ муостатын тутар былаһааккаҕа өрүс флотун муус туруон иннинээҕи үлэтэ түмүктэннэ. Ааспыт сезон устата 20-чэ…