Хаартысканы Тускулаана Горохова-Кобельянова тиксэрдэ
Сунтаар нэһилиэгин түөлбэлэрэ олус түмсүүлээхтэр. Бэйэ олорор сирин усулуобуйатын тупсарар туһуттан араас үлэни кыайа туталлар. Бу өрөбүллэргэ Абаҕа түөлбэ олохтоохторо түмсэн Лесной күргэтин саҥардан оҥордулар.
Бу күргэ тула хас киһи олоҕо ааспытай, хардыыта оҥоһуллубутай, таптаһар сүрэхтэр көрсөр сирдэрэ буолбута буолуой. Лесной түөлбэҕэ билигин уонтан тахса ыал олорор, санаторнай оскуола, Айыы арчыта, ууну ыраастыыр ыстаансыйа үлэлиир. Сатыы сылдьааччы үгүһэ бу күргэнэн сылдьар.
Урукку кэмҥэ манна улахан күргэ оҥоһуллан тыраахтар тимир көлө кытта туоруура үһү, ону улахан уу алдьатан, саҥа мас күргэ киһи сылдьарыгар ананан оҥоһуллубута. Онтон бэттэх сыл-хонук ааһан муоста эргэрэн, дьон сылдьарыгар кутталланан турбутун саҥардан эрэллэр.
Үс күн устата манна улуус, нэһилиэк депутаттарын, олохтоохторун кытта атын тэрилтэлэр эмиэ күүс-көмө буоллулар. Нэһилиэк дьаһалтата сүрүн күүс буолла, «Сунтаравтодор», «Главстройкомплекс» матырыйаалынан көмөлөстө, ЖКС, «Бартыһаан» үлэһиттэрэ бэйэлэринэн кэлэн илии-атах буоллулар о.д.а көмө буолбут дьоннор элбэхтэр.
Уолаттар үлэлэрин күөдьүтэн, түөлбэ кэрэ аҥаардара үүттээх чэйи, дьиэ аһын илдьэ кэлэн күн аайы үстэ-түөртэ аһаттылар, минньигэс астарынан күндүлээтилэр.
Саҥардыллыбыт күргэнэн бастакы туорааччыга кыра сакалаат оҕото бэлэмнэннэ. Аны эһиил сатаннаҕына күргэ иккис эҥээрин саҕардыахха баара диэн ыра санаа иһилиннэ.
Тускулаана Горохова-Кобельянова
Өрөспүүбүлүкэ нэһилиэнньэлээх пууннара массыына кыһыҥҥы суола аһыллыар диэри ирдэнэр кээмэйдээх оттук-энэргэтиическэй саппааһынан олоччу хааччылыннылар. Бу…
«Күн бүгүн эрэгийиэн иһинээҕи көтүүлэри үбүлээһин өрөспүүбүлүкэ бүддьүөтүн суотугар эрэ ыытыллар. Бу сыалга 250 мөлүйүөн…
Арассыыйаҕа массыына атыылаһарга чэпчэтиилээх кирэдьииттээһин хас даҕаны судаарыстыбаннай бырагыраама үлэлиир. Ону туһанан саҥа массыынаны атыылаһыахха…
Бу күннэргэ Горнай улууһун Бэрдьигэстээх сэлиэнньэтин ыччаттара нэһилиэк сэбиэтэ тэриллибит күнүн бэлиэтээтилэр. Бу туһунан Бэрдьигэстээх…
Сэтинньи 4-6 күннэригэр Дьокуускайга Сомоҕолоһуу күнүгэр аналлаах норуот уус-уран оҥоһуктарыгар босхо маастар-кылаастары ыытыахтара. Тэрээһини «Мин…
Өлүөнэ муостатын тутар былаһааккаҕа өрүс флотун муус туруон иннинээҕи үлэтэ түмүктэннэ. Ааспыт сезон устата 20-чэ…