Екатерина Свинобоева, Людмила Оконешникова хаартыскаҕа түһэриилэрэ
Суотту нэһилиэгин уонна Уус Алдан улууһун Бочуоттаах олохтооҕо, СӨ тыатын хаһаайыстыбатын Бочуоттаах үлэһитэ, «Лена» сопхуос партийнай тэрилтэтин салайааччытынан өр сылларга таһаарыылаахтык үлэлээбит үлэ, тыыл бэтэрээнэ Иван Спиридонович Оконешников 95 сааһын туолла.
Ытык кырдьаҕаспытын алаһа дьиэтигэр тиийэн истиҥник эҕэрдэлээтилэр. Окуола төрдүс кылааһын үөрэнээччилэрэ ырыанан, хоһоонунан айхаллаатылар.
Иван Спиридонович сэрии сылларыгар оҕо сааһа ааһан, ол кэм бары ыараханнарын санныгар сүкпүтэ, эдэр сааһыттан киил мастыы хатарыллан тыа үлэтигэр эриллэн үлэһит үтүөтэ буола үүммүтэ. Өр сылларга «Лена» сопхуос салайар аппараатыгар парткомунан үлэлээн нэһилиэк сайдыытыгар, дьон олоҕо тупсарыгар кылаатын киллэрбитин бэлиэтээн туран, «Лена» СХПК бэрэссэдээтэлэ Черкашин М.А. эҕэрдэтин тиэртэ. Тыа хаһаайыстыбатын исписэлииһэ, кэрэ куоластаах Заровняева Зоя Терентьевна ырыанан эҕэрдэлээтэ. «Доҕордоһуу» музей дириэктэрэ, сопхуоһу бастыҥнар кэккэлэригэр таһааран өр салайбыт С.Г. Охлопков уола Степан Степанович Охлопков — Айым истиҥ ахтыыны оҥордо.
Саастаах дьоммутун, бэтэрээннэрбитин көрөр-харайар үлэлээх улуустааҕы социальнай харалта эҕэрдэ суругун Суотту нэһилиэгин социальнай үлэһитэ Татьяна Тарасова тиэртэ. Иван Спиридонович уонна Анастасия Васильевна иллээх, бигэ туруктаах дьиэ кэргэн элбэх оҕоҕо күн сирин көрдөрөн, барыларын үөрэхтээн, дьоҥҥо-сэргэҕэ үтүө холобур буолалларын иһирэхтик аҕынна.
Иван Спиридонович Суоттуга култуура эйгэтэ сайдарыгар, норуот тыйаатыра тэриллиитигэр тус кылаатын киллэрбитин, тыйаатыр бастакы артыыстарыттан биирдэстэрэ буоларын Суоттутааҕы «Мичээр» сынньалаҥ киинин дириэктэрэ Валентина Патрасова бэлиэтээтэ.
Суотту олохтоох бибилэтиэкэтин саамай саастаах ааҕааччыта, кинигэ, хаһыат сонуннарын, олоххо буола турар чахчылары көтүппэккэ ааҕар, сэргиир Иван Спиридоновичка сүүс сааһын ааһыар диэри сүһүөҕүн үрдүгэр сылдьан этэҥҥэ олороругар баҕаран эҕэрдэбин тиэртим.
Раиса Черкашина,
Суотту бибилэтиэкэтэ.
Екатерина Свинобоева, Людмила Оконешникова хаартыскаларга түһэриилэрэ
Өрөспүүбүлүкэ нэһилиэнньэлээх пууннара массыына кыһыҥҥы суола аһыллыар диэри ирдэнэр кээмэйдээх оттук-энэргэтиическэй саппааһынан олоччу хааччылыннылар. Бу…
«Күн бүгүн эрэгийиэн иһинээҕи көтүүлэри үбүлээһин өрөспүүбүлүкэ бүддьүөтүн суотугар эрэ ыытыллар. Бу сыалга 250 мөлүйүөн…
Арассыыйаҕа массыына атыылаһарга чэпчэтиилээх кирэдьииттээһин хас даҕаны судаарыстыбаннай бырагыраама үлэлиир. Ону туһанан саҥа массыынаны атыылаһыахха…
Бу күннэргэ Горнай улууһун Бэрдьигэстээх сэлиэнньэтин ыччаттара нэһилиэк сэбиэтэ тэриллибит күнүн бэлиэтээтилэр. Бу туһунан Бэрдьигэстээх…
Сэтинньи 4-6 күннэригэр Дьокуускайга Сомоҕолоһуу күнүгэр аналлаах норуот уус-уран оҥоһуктарыгар босхо маастар-кылаастары ыытыахтара. Тэрээһини «Мин…
Өлүөнэ муостатын тутар былаһааккаҕа өрүс флотун муус туруон иннинээҕи үлэтэ түмүктэннэ. Ааспыт сезон устата 20-чэ…