Андрей Сорокин хаартыскаҕа түһэриитэ, ЯСИА
От ыйын 26 күнүгэр күнүс түөрт чаас саҕана Биир кэлим дьуһуурунай-диспетчерскай сулууспаҕа Сунтаар оройуонун олохтооҕо куттанан, ыксаан эрийбит.
Кини 64 саастаах кэргэнэ сарсыарда эрдэ ынахтарын көрдүү тыаҕа барбытын, икки чааһынан төннүөхтээҕин, ол эрээри дьиэтигэр кэлбэтэҕин тыллаабыт.
Сааһырбыт киһи доруобуйатынан аһаах уонна улаханнык доҕолоҥнуур эбит. Сарсыарда аҕыс чааска диэри кэтэспит кэргэнэ куттанан, аймахтарыгар, онтон дьаһалтаҕа уонна ЕДДС-ка көмө көрдөөн биллэрбит. Тыаҕа муммут киһини көрдүүргэ тута быыһыыр сулууспа үлэһиттэрэ уонна полициялар туруммуттар. Ону сэргэ олохтоох дьон кыттыспыттар.
Полиция үлэһиттэрэ тыаны тараахтаабыттар. Киэһэ диэки полиция учаастактааҕы боломуочунайа уонна оройуоннааҕы полиция отделын оперуполномоченнайа атах суолун көрбүттэр. Ол суолунан сирдэтэн сиргэ быраҕыллыбыт торуоскаҕа кэлбиттэр. Киэһээ тоҕус чаас диэки полиция үлэһиттэрэ ойуурга мөлтөөбүт-ахсаабыт муммут киһини булан ылбыттар. Сааһырбыт киһи наһаа сылайбытын, ол иһин тыаны кыайан туораабатаҕын эппит.
Хас да килэмиэтиринэн сири хаампыт участковай уонна оперативник бу киһини дэриэбинэҕэ аҕалбыттар. Онно кинини дьоно уонна миэдиктэр күүтэн турбуттар. Билигин бу киһи доруобуйатыгар туох да куттал суоһаабат. Кэргэнэ полиция үлэһиттэригэр көмөлөрүн иһин ис сүрэҕиттэн махтанар.
СӨ ИДьМ пресс-сулууспата
Өрөспүүбүлүкэ нэһилиэнньэлээх пууннара массыына кыһыҥҥы суола аһыллыар диэри ирдэнэр кээмэйдээх оттук-энэргэтиическэй саппааһынан олоччу хааччылыннылар. Бу…
«Күн бүгүн эрэгийиэн иһинээҕи көтүүлэри үбүлээһин өрөспүүбүлүкэ бүддьүөтүн суотугар эрэ ыытыллар. Бу сыалга 250 мөлүйүөн…
Арассыыйаҕа массыына атыылаһарга чэпчэтиилээх кирэдьииттээһин хас даҕаны судаарыстыбаннай бырагыраама үлэлиир. Ону туһанан саҥа массыынаны атыылаһыахха…
Бу күннэргэ Горнай улууһун Бэрдьигэстээх сэлиэнньэтин ыччаттара нэһилиэк сэбиэтэ тэриллибит күнүн бэлиэтээтилэр. Бу туһунан Бэрдьигэстээх…
Сэтинньи 4-6 күннэригэр Дьокуускайга Сомоҕолоһуу күнүгэр аналлаах норуот уус-уран оҥоһуктарыгар босхо маастар-кылаастары ыытыахтара. Тэрээһини «Мин…
Өлүөнэ муостатын тутар былаһааккаҕа өрүс флотун муус туруон иннинээҕи үлэтэ түмүктэннэ. Ааспыт сезон устата 20-чэ…