Саха сирин эмчиттэрэ киэли миоматыгар (миома матки) эмболизацияҕа дэҥҥэ оҥоһуллар эпэрээссийэлэри баһылаатылар.
«Эмболизация – киэли миоматын (миома матки) эмтиир саҥа ньымалартан биирдэстэрэ. Кыратык эрэ бааһырдар ньыма хирургия сэрэхтээхтик орооһоругар көмөлөһөр. Маннык эпэрээссийэ биир чаастан ордуга суох кэм устата, миэстэтигэр анестезия көмөтүнэн оҥоһуллар, уопсай норкуос туттуллубат. Түөрт эмтэнээччигэ эпэрээссийэлэр, былаан быһыытынан, ситиһиилээхтик оҥоһулуннулар”, — диэн Өрөспүүбүлүкэтээҕи 1 №-дээх балыыһа – Мэдиссиинэ национальнай киинин кылаабынай бырааһа Станислав Жирков иһитиннэрдэ.
Үрдүк технологиялаах эпэрээссийэни оҥоруу Сүрэх-тымыр саҥа киинин аныгы тэрилин көмөтүнэн ситиһилиннэ. Ол эбэтэр, эпэрээссийэни ангиографическай тэрил көмөтүнэн оҥордулар.
Маннык сэдэх эпэрээссийэни оҥорорго эндоваскулярнай хирург, В.И.Кулаков аатынан Акушерство, гинекология уонна перинатология Научнай киинин диагностикалыыр уонна эмтиир эндоваскулярнай ньымаларга отделениетын сэбиэдиссэйэ Дмитрий Акинфиев көмөлөстө.
“Бу эпэрээссийэ – кыратык эрэ бааһырдар уонна олус сэрэхтээхтик оҥоһуллар ньыма. Ол курдук, элбэх дьахтар доруобуйата айгыраабатыгар көмөлөһөр”, — диэтэ кини.
Маннык эпэрээссийэлэр сыл бүтүөр диэри өссө оҥоһуллуохтара.
Сыл аайы Кыайыы күнүн көрсө, бэтэрээннэргэ, сэрии сылларын оҕолоругар анаан араас тэрээһиннэр ыытыллаллар. Быйыл эмиэ…
Сарсын, ол эбэтэр ыам ыйын 7 күнүгэр Арассыыйа Бэрэсидьиэнэ Владимир Путин солотугар киирэр сиэрэ-туома ыытыллыа.…
Бу күннэргэ «Азия оҕолоро» оонньууларга кыттыахтаах үҥкүүһүттэр пааралара Бүтүн Арассыыйатааҕы күрэхтэһиигэ ситиһиилээхтик кыттан кэллилэр. Арылхан…
Өрөспүүбүлүкэ орто оскуолаларын араас сылларга бүтэрбиттэр (выпустар) түмсүүлэрин иһинэн элбэх тэрээһиннэр буолаллар. Биһиги, 1985 сыллаахха…
Ыам ыйын 8 күнүгэр 12.00 чаастан "Симэх" национальнай кииҥҥэ «Илии сылааhынан кыайыыны кынаттаан» быыстапка үөрүүлээх…
Бүгүн, ыам ыйын 6 күнүгэр, 11:10 чааска ЫБММ Саха сиринээҕи салаатын Кылаабынай управлениетыгар Дьокуускай куоракка…