Ангелина Васильева хаартыскаҕа түһэриитэ
Муус устар 29 күнүгэр Марк Жирков аатынан Дьокуускайдааҕы музыкальнай кэллиэс устудьуоннарын, уһуйааччыларын отчуоттуур кэнсиэрэ буолан ааста.
Кэнсиэр Арассыыйаҕа — Норуоттар сомоҕолоһууларын, Саха сиригэр Култуура сылларыгар анаммыт.
Павел Сазонов, дириэктэр:
—Кэллиэспит эһиил тэрилибитэ 80 сылын туолуоҕа. Маны тэҥэ, Марк Жирков төрөөбүтэ 135 сылын бэлиэтиэхпит. Быйылгы үөрэх дьылыгар 6 салааҕа 200-тан тахса устудьуоннаахпыт, ол иһигэр Алданнааҕы филиалбытыгар. Сыллата 40-ча устудьуон бүтэрэр, кинилэр бары идэлэринэн үлэ булаллар. Бүгүн устудьуоннарбыт сыл устата туохха үөрэммиттэрин көрдөрүөхтэрэ, — диэн туран, бастыҥ уһуйааччыларга наҕараадалары туттартаата.
Кэнсиэр тойуктан саҕаланна. Аан дойду аатырбыт классик композитордарын айымньыларыттан саҕалаан, фольклорга тиийэ нүөмэрдэрин көрдүбүт, романстары, ырыалары иһиттибит. Вивальди, Шостакович, Рахманинов, Даргомыжскай, Массне, Паулс, уо.д.а. айымньыларын сэргэ саха композитордарын айымньыларын сэргээтибит.
Норуоттар икки ардыларынааҕы куонкурустар лауреаттара, флейтэҕэ оонньооччулар ансаамбыллара Валерий Ноев »Күөрэгэй» ырыатын толороллоругар хомус дьүрүлгэнин флейта, фортепиано доҕуһуолун кытта холбообуттара олус сонуннук, иһирэхтик иһилиннэ. Дирижер-хор салаатын кыргыттарын ансаамбыла хас да куоласка арахсан, бэрт уйаҕастык, ыраастык ыллаатылар.
Кэллиэс устудьуоннара үөрэхтэрин быыһыгар Арассыыйатааҕы, аан дойдутааҕы конкурустарга кытталлар, миэстэлэһэллэр, кыайаллар эбит.
Духовой оркестр, хор, хас да ансаамбыллар тэриллэн, куорат тэрээһиннэригэр көхтөөхтүк кытталлар. Музыкальнай кэллиэс Саха сиригэр олорор норуоттар талааннаах ыччаттарын түмэн, кэрэ эйгэтигэр — муусукаҕа уһуйар, дьоҕурдарын арыйар, сайыннарар. Муусука учууталларын уһуйаллар, сыллата таһымнарын үрдэтэллэр, маастар-кылаастары, куурустары ыыталлар. Чахчы да, муусука сүрэхтэри холбуур…
Ангелина Васильева.
Ааптар түһэриилэрэ.
Өрөспүүбүлүкэ нэһилиэнньэлээх пууннара массыына кыһыҥҥы суола аһыллыар диэри ирдэнэр кээмэйдээх оттук-энэргэтиическэй саппааһынан олоччу хааччылыннылар. Бу…
«Күн бүгүн эрэгийиэн иһинээҕи көтүүлэри үбүлээһин өрөспүүбүлүкэ бүддьүөтүн суотугар эрэ ыытыллар. Бу сыалга 250 мөлүйүөн…
Арассыыйаҕа массыына атыылаһарга чэпчэтиилээх кирэдьииттээһин хас даҕаны судаарыстыбаннай бырагыраама үлэлиир. Ону туһанан саҥа массыынаны атыылаһыахха…
Бу күннэргэ Горнай улууһун Бэрдьигэстээх сэлиэнньэтин ыччаттара нэһилиэк сэбиэтэ тэриллибит күнүн бэлиэтээтилэр. Бу туһунан Бэрдьигэстээх…
Сэтинньи 4-6 күннэригэр Дьокуускайга Сомоҕолоһуу күнүгэр аналлаах норуот уус-уран оҥоһуктарыгар босхо маастар-кылаастары ыытыахтара. Тэрээһини «Мин…
Өлүөнэ муостатын тутар былаһааккаҕа өрүс флотун муус туруон иннинээҕи үлэтэ түмүктэннэ. Ааспыт сезон устата 20-чэ…