Табаһыттар саҥа хараалы туруорсаллар

Кулун тутар 1-11 күннэригэр “Өлөөн” МУП-ка хараал ыытылынна.

Онно сотууну утары былааннаах быһыыны табаларга оҥордулар, бүрүсүлүөһү бэрэбиэркэлээн, хаан ыллылар. Хата, анаалыс түмүгүнэн этэҥҥэлэр диэн быһаарылынна. Алдан оройуонун общиналарыгар муойкалары (1 саастаахтар) атыылаары 55 табаны бэлэмнээтилэр. Ол курдук, 20 төбөнү олохтоох общинаҕа атыылаатылар.

— Хараал түмүгүнэн Роман Львович Семенов салайааччылаах 3 биригээдэ бастаата. Икки биригээдэ табаларыгар сүтүктэммиттэр, көрдүү сылдьаллар. Табаһыттар саҥа хараалы тутары туруорсаллар. Тоҕо диэтэххэ, харааллар эргэрбиттэр, таба ахсаана эбиллэн кыараҕас да буолбут. Кыһыҥҥы дьиэлэр эмиэ наадалар. Саҥа дириэктэр А.А.Винокуров билигин ыстаадаларга наадалаах тэриллэри аҕалаары командировкаҕа барда, — диэн хараал түмүгүн туһунан “Өлөөн” МУП зоотехнига Марина Николаева билиһиннэрдэ.

Хаартысклары: М.Х.Николаева ыытта