«Төрүт дорҕоон» диэн саха инструменнарын күрэһэ ыытылынна

Саха киһитин сүргэтин көтөҕөр сандал сааска араас тыас-уус, ураты муусука буолан иһиллэр кэмигэр Дьокуускай куораттааҕы култуураҕа уонна духуобунай сайдыыга салаата, “Арчы Дьиэтэ” духуобунай култуура киинэ, Өрөспүүбүлүкэтээҕи норуот айымньытын киинэ тэҥинэн «Төрүт дорҕоон» диэн саха инструменнарын күрэһин тэрийэн ыыттылар.

Бу тэрээһин сыалынан-соругунан Саха сиригэр норуот инструменнарын тыыннаах доҕуһуолун уонна толоруутун киэҥ араҥаҕа тириэрдии, сайыннарыы, иһитиннэрии, саха төрүт инструменнарынан толоруу маастарыстыбатын үрдэтии буолар диэн “Арчы Дьиэтэ” духуобунай култуура киинэ иһитиннэрэр.

Дьүүллүүр сүбэ норуот инструменнарын тыыннаах доҕуһуолун уонна толоруутун көрөн-истэн баран кыайыылаахтары быһаарда.

Ол курдук, “Кыайыыга дьулуур” уонна “Саҥа аат” ааттары – Эйнаара Шамаева (Нам улууһун Модут нэһилиэгэ, сал. Татьяна Петрова) ылла.

“Бастыҥ күргүөм толоруу” ааты – «Далбар» ансаамбыл ылла (Дьокуускай куорат, сал. Ольга Матвеева).

“Алыптаах дорҕоон” ааты – Ирина Неймохова ылла (Дьокуускай куорат, сал. Мария Иванова).

“Көрөөччү биһирэбилэ” ааты – Дуолан Матвеев ылла (Дьокуускай куорат 2-с №-дээх оскуолатын 2 “з”кылааһа).

“Үгэһи утумнааччы” ааты – Валерий Кучутов ылла (Дьокуускай куорат, сал. Анюта Иванова).

“Бастын уһуйааччы” ааты – Айталина Баттахова ылла (“Алгыс” бөлөх, Дьокуускай куораттааҕы анал коррекционнай оскуола-интэринээт).

Оҕолорго:

Үһүс үрдэл – “Тыгыйык” ансаамбыл (Дьокуускай куорат, сал. Ольга Матвеева).

Иккис үрдэл – Дьокуускай куорат 2-с №-дээх оскуолатын 2 “з”кылааһа.

Бастакы үрдэл – «Утум» ансаамбыл (Дьокуускай куорат, сал. Мария Иванова).

Улахан дьоҥҥо:

Үһүс үрдэл – Валерий Кучутов (Дьокуускай куорат, сал. Анюта Иванова).

Иккис үрдэл – Светлана Игнатьева (Дьокуускай куорат, сал. Анюта Иванова).

Бастакы үрдэл – «Кын Кыырай» (Дьокуускай куораттааҕы култуура кэллиэһэ, сал. Эркуль Чулунов).

Кылаан чыпчаал – “Алгыс” бөлөх (Дьокуускай куораттааҕы анал коррекционнай оскуола-интэринээт, сал. Айталина Баттахова)