Хаартыска: Елена Потоцкая.
Төрүт нэһилиэгин «Чэчир» уһуйаана ыраах Тымныы полюһунан аатырар Өймөкөөн улууһугар үүнэр көлүөнэни иитиигэ бастыҥ үлэлээх кэлэктиибинэн биллэр.
Оҕо тэрилтэтин иитээччилэрэ айылҕаны кытта ыкса ситимнээхтик, норуот үтүө үгэстэригэр олоҕуран, оҕо айар дьоҕурун уонна сиэр-майгы өттүнэн сайдыытын утумнаахтык сайыннарар соруктаах үлэлииллэр.
Ол да иһин буолуо, бу уһуйаан үлэһиттэрэ оҕо сылдьар, дьарыктанар тэрилтэтин олох уратытык тутан, көрөн-истэн олороллор. Манна эн тута остуоруйа дойдутугар киирэҕин. «Бу кырааска, өрөмүөн араас матырыйаала тиийбэт кэмигэр «чэчирдэр» истиэнэлэрбитин маннык кырааскалаан өрөмүөннээн киэргэтэн биэрэбит. Онон сыл аайы өрөмүөннэммэппит. Хас биирдии үлэһит — бэйэтэ талаан. Кинилэр кырааскалаах киистэни туттулар да, уһуйаан иһэ остуоруйа дойдутун курдук буола түһэр«, — диэн кэпсиир тэрилтэ салайааччыта Уруйдаана Атласова.
Мин сылдьар кэммэр оҕолор утуйар хосторо уруһуйданан бэлэм турара.
Хас да сыллааҕыта оҥоһуллубут суунар хосторо олох эргэрбэккэ сибиэһэй хартыына көстүүлээх.
Оонньуур саала истиэнэтэ — барыта остуоруйа тиэмэтэ.
Ититэр тиһик кытта эстетическэй көстүүлээх.
Иитээччилэр норуоттар сомоҕолоһууларын сылыгар Төрүккэ олорор араас уонтан тахса омук национальнай таҥаһын тигэн, куукула оҥорбуттар. Ол курдук, белорус, туркмен, грузин, казах, нуучча таҥастаах куукулалар бэлэмнэр. Аны атыттар тигиллэ сылдьаллар.
Ити курдук, Төрүт нэһилиэгин «Чэчир» уһуйаанын үлэһиттэрэ, төһө да киин сиртэн ыраах олордоллор, олоҕу кытта тэҥҥэ хардыылыыллар. Кинилэр идэлээх бырааһынньыктарын бэйэлэрин илиилэринэн оҥорбут киэҥ-куоҥ остуоруйа дойдутун курдук уһуйааннарыгар бэлиэтээтилэр.
Өрөспүүбүлүкэ нэһилиэнньэлээх пууннара массыына кыһыҥҥы суола аһыллыар диэри ирдэнэр кээмэйдээх оттук-энэргэтиическэй саппааһынан олоччу хааччылыннылар. Бу…
«Күн бүгүн эрэгийиэн иһинээҕи көтүүлэри үбүлээһин өрөспүүбүлүкэ бүддьүөтүн суотугар эрэ ыытыллар. Бу сыалга 250 мөлүйүөн…
Арассыыйаҕа массыына атыылаһарга чэпчэтиилээх кирэдьииттээһин хас даҕаны судаарыстыбаннай бырагыраама үлэлиир. Ону туһанан саҥа массыынаны атыылаһыахха…
Бу күннэргэ Горнай улууһун Бэрдьигэстээх сэлиэнньэтин ыччаттара нэһилиэк сэбиэтэ тэриллибит күнүн бэлиэтээтилэр. Бу туһунан Бэрдьигэстээх…
Сэтинньи 4-6 күннэригэр Дьокуускайга Сомоҕолоһуу күнүгэр аналлаах норуот уус-уран оҥоһуктарыгар босхо маастар-кылаастары ыытыахтара. Тэрээһини «Мин…
Өлүөнэ муостатын тутар былаһааккаҕа өрүс флотун муус туруон иннинээҕи үлэтэ түмүктэннэ. Ааспыт сезон устата 20-чэ…