Хаартыска: СӨ Быыһыыр сулууспатыттан
Чурапчы улууһугар отоннуу барбыт 80 саастаах кырдьаҕаһы көрдөөһүн түмүктэннэ.
Балаҕан ыйын 1 күнүгэр Чурапчы улууһугар ЕДДС диспетчергэ Килээҥкигэ, 1945 с.т. дьахтар тыаҕа сир астыы барбытын уонна сүтэн хаалбытын туһунан иһитиннэрии киирбит. Сайабылыанньалаахтар быһаарбыттарынан, ол күн сарсыарда бэһиэ буолан сэлиэнньэттэн биэс км сиргэ отоннуу барбыттар. Ханнык эрэ түгэҥҥэ дьахтар бөлөхтөн тэйэн баран сүтэн хаалбыт. Бэйэлэрэ көрдөөбүттэр да булбатахтар.
Дьаһалтаҕа иһитиннэрбиттэрин кэнниттэн олохтоохтор көрдүүр тахсыбыттар. «Бэҕэһээ 100 чугаһыыр киһи көрдөөбүтэ. Бөлөхтөргө арахсан сири-уоту кэрийэн көрбүппүт. Киэһэ Саха сирин Быыһыыр сулууспатын Таттатааҕы көрдүүр-быыһыыр этэрээтиттэн быыһааччылар кэлбиттэрэ. Түүҥҥү кэмҥэ тепловизордаах квадрокоптеры туһаммыттара, түүнү быһа көрдөөһүн ыытыллыбыта, — диэн Кытаанах нэһилиэгин баһылыга Иван Пономарев этэр.
—Биһиги Ытык Күөлтэн 19:00 чааска тахсыбыппыт уонна манна 23:30 чааска кэлбиппит. Кэлээт тута көрдүүр бөлөхтөрү тэрийбиппит, квадрокоптеры туһаммыппыт. Хомойуох иһин, түүнү быһа көрдөөбүппүт да, туох да түмүк суоҕа. Бүгүн сарсыардаттан волонтердары хомуйан көрдөөһүн үлэтэ саҕаламмыта, ити кэмҥэ отоньуту сүппүт сириттэн быһа холоон 10 км сиргэ көрдүүр бөлөхтөн биир киһи булбутун туһунан иһитиннэрии кэлбитэ. Отонньуту отчуттар будкаларыттан булбуттар, — диэн Саха сирин быыһыыр сулууспатын Таттатааҕы көрдүүр-быыһыыр этэрээтин начаалынньыга Максим Большаков этэр.
—Хата барыта этэҥҥэ, быраас көрдө. Кини ханнык сиргэ тиийэн кэлбитин билбит эбит. Билигин сынньанар, — диэн Иван Пономарев түмүктээтэ.
Саха сирин Быыһыыр сулууспата
Өрөспүүбүлүкэ нэһилиэнньэлээх пууннара массыына кыһыҥҥы суола аһыллыар диэри ирдэнэр кээмэйдээх оттук-энэргэтиическэй саппааһынан олоччу хааччылыннылар. Бу…
«Күн бүгүн эрэгийиэн иһинээҕи көтүүлэри үбүлээһин өрөспүүбүлүкэ бүддьүөтүн суотугар эрэ ыытыллар. Бу сыалга 250 мөлүйүөн…
Арассыыйаҕа массыына атыылаһарга чэпчэтиилээх кирэдьииттээһин хас даҕаны судаарыстыбаннай бырагыраама үлэлиир. Ону туһанан саҥа массыынаны атыылаһыахха…
Бу күннэргэ Горнай улууһун Бэрдьигэстээх сэлиэнньэтин ыччаттара нэһилиэк сэбиэтэ тэриллибит күнүн бэлиэтээтилэр. Бу туһунан Бэрдьигэстээх…
Сэтинньи 4-6 күннэригэр Дьокуускайга Сомоҕолоһуу күнүгэр аналлаах норуот уус-уран оҥоһуктарыгар босхо маастар-кылаастары ыытыахтара. Тэрээһини «Мин…
Өлүөнэ муостатын тутар былаһааккаҕа өрүс флотун муус туруон иннинээҕи үлэтэ түмүктэннэ. Ааспыт сезон устата 20-чэ…