«Тымныы оҕуһа» диэн сахалыы ойуулугу Торонто куоракка көрдөрүөхтэрэ

«Тымныы оҕуһа» диэн  «Тундра» анимация устуудьуйатыгар оҥоһуллубут сахалыы ойуулугу  Торонтоҕа ыытыллыахтаах норуоттар икки ардыларынааҕы ImagineNATIVE киинэ бэстибээлигэр көрдөрөр буоллулар.

Бэстибээл сыанатыгар ойуулугу  режиссер, устуудьуйа дириэктэрэ Александр Моруо билиһиннэриэҕэ. Саха мультига киэҥ эйгэҕэ тахсыыта, аан дойду үрдүнэн 70 финалист иһигэр киириитэ улахан ситиһии. Киинэ бэстибээлэ Торонто куоракка алтынньы 17-22 күннэригэр ыытыллыаҕа.

ImagineNATIVE Film +Media Arts Festival  аан дойду үрдүнэн биир бөдөҥ киинэ уонна олохтоох норуоттар медиаускуустубаларын көрдөрөр бэстибээл буолар. Аан дойду араас норуоттарын киинэлэригэр, видео, араадьыйа, ону сэргэ саҥа медиа үлэлэригэр анаммыт бэстибээл буолар.