“Арассыыйа” пуорум-быыстапка чэрчитинэн сэтинньи 12 күнүгэр Саха киинэтин бэстибээлэ арыллыаҕа

Сэтинньи 12 күнүгэр ВДНХ-ҕа “Арассыыйа” пуорум-быыстапкаҕа, Саха сирин киинэтин уонна анимациятын бэстибээлэ буолуоҕа.

Быыстапка ыалдьыттара “Тымныы Оҕуһа” (Startup Village 2023 лауреата, Канадаҕа imagineNATIVE Film and Media Arts Festival киинэ бэстибээлин биир номинациятын кыайыылааҕа),  «Тооку» уонна «Айтал уонна Аптаах күүс» анимациялар сериалларыын көрүөхтэрэ. Маны тэҥэ Саха сирин биир ордук биллэр киинэтэ “Егор Чээрин” көрдөрүллүөҕэ, бу киинэни устубут режиссер Дмитрий Кольцов көрөөччүлэр ыйытыыларыгар хоруйдуоҕа.

Бэстибээл өссө биир кыттыыллааҕа Люба Борисова икки киинэтин көрдөрүөҕэ. Үгүс бэстибээллэр кыайыылаахтара, “Мин үрдүбэр күн хаһан да киирбэт” уонна “Кэрэни көрбүт” уус-уран киинэлэри Киинэ мусуойугар, Ханжонков аатынан киинэ саалатыгар 17.00 чааска көрүөххэ сөп буолуо.