Сайаана Львова хаартыскаҕа түһэриитэ
Бүгүн Д.К. Сивцев-Суорун Омоллоон аатынан Опера уонна балет тыйаатырыгар «Биир ньыгыл Арассыыйа» «Түмүк баар!» диэн бырагырааматын отчуоттуур пуорумун пленарнай мунньаҕа буолла.
Манна пуорум кыттыылаахтара 2021-2025 сылларга норуот бырагырааматын толоруллуутун түмүгүн дьүүллэстилэр. Мунньаҕы баартыйа эрэгийиэннээҕи салаатын сэкирэтээрэ Надежда Селютина иилээн-саҕалаан ыытта.
Кини нэһилиэнньэҕэ ордук дьиэ-уот, суол, аныгы тупсаҕай инфраструктура, социальнай эбийиэктэри тутуу буолар диэтэ.
«Бу хайысхаларга «Биир ньыгыл Арассыыйа» норуот бырагырааматыгар болҕомто ууруллубута. Ааспыт биэс сылга элбэх бырайыак олоххо киирдэ, үлэ оҥоһулунна. Бу күннэргэ үс зональнай пуоруму ыыттыбыт. Онно норуот бырагырааматын түмүгүн таһаардыбыт. Норуот бырагырааматын толоруу туһунан отчуот үлэтэ салҕанар, ону кытта биһиги салгыы былааннары оҥостобут. Баартыйа саҥардыллыбыт бырагырааматын оҥорорго аналлаах төгүрүк остуоллар ыытылыннылар — бүгүҥҥү пленарнай мунньахха ону ырытыахпыт», — диэтэ Надежда Селютина.
Салгыы төгүрүк остуол салайааччылара бэйэлэрин хайысхаларынан, ханнык боппуруостар, этиилэр киирбиттэрин билиһиннэрдилэр.
«Түмүк баар!» пуорум түмүгүн Ил Дархан Айсен Николаев оҥордо. Норуот бырагыраамата эрэгийиэн олохтоохторун этиилэрин, экспертнай уонна уопсастыбаннай дьүүллэһиилэринэн оҥоһулларын бэлиэтээтэ. Кини бырагыраама баартыйа, былаас уорганнара уонна уопсастыба дьон олоҕун хаачыстыбатыгар дьайар боппуруостары быһаарыыга туһуланар үлэтин туһунан кэпсээтэ.
«Бүгүн биһиги «Биир ньыгыл Арассыыйа» — бу кырдьыктаах дьыала баартыйата, инники күөҥҥэ сылдьар, дьон итэҕэйэр баартыйата буоларын бигэргэтэ түмүстүбүт. Тэриллибит күнүттэн биһиги баартыйабыт Бэрэсидьиэн Владимир Владимирович Путин стратегическай курсун тутуһабыт.
Билиҥҥи уустук кэмҥэ, байыаннай дьайыы бара турар кэмигэр биһиги баартыйабыт бары өттүнэн өйүүр, биһиги буойуттарбытын, кинилэр дьиэ кэргэннэрин чилиэннэрин өйүүр. 2021 сыллаахха биһиги баартыйабыт норуот бырагырааматынан быыбарга тахсыбыта, онно бэрэсидьиэн эппитэ: бу тыыннаах докумуон, бу бэлитиичэскэй күүс үүммүтүн көрдөрүү, тоҕо диэтэххэ, дьоҥҥо биэрбит тылбытын толоруохтаахпыт. Онтон ситиһиллэр түмүк олоҕу тупсарыахтаах. Биһиги итинник анаабыт соруктарбытын өйдөөбүппүт уонна норуот бырагыраамата биһиги баартыйабыт үлэтин сүрүн ис хоһооно буолла. Бу сылларга биһиги кырдьык улахан түмүктэри ситистибит. Онон ааспыт биэс сыл түмүгүнэн биһиги киэн тутта уонна хорсуннук «Түмүк баар!» диэн этиэхпитин сөп», — диэтэ Айсен Николаев.
Пуорум чэрчитинэн мунньах кыттыылаахтара «Норуот бырагыраамата 2.0» оҥоһуллуутугар этиллибит санаалары биһирииллэрин биллэрдилэр.
Сайаана Львова хаартыскаларга түһэриитэ
Өрөспүүбүлүкэ нэһилиэнньэлээх пууннара массыына кыһыҥҥы суола аһыллыар диэри ирдэнэр кээмэйдээх оттук-энэргэтиическэй саппааһынан олоччу хааччылыннылар. Бу…
«Күн бүгүн эрэгийиэн иһинээҕи көтүүлэри үбүлээһин өрөспүүбүлүкэ бүддьүөтүн суотугар эрэ ыытыллар. Бу сыалга 250 мөлүйүөн…
Арассыыйаҕа массыына атыылаһарга чэпчэтиилээх кирэдьииттээһин хас даҕаны судаарыстыбаннай бырагыраама үлэлиир. Ону туһанан саҥа массыынаны атыылаһыахха…
Бу күннэргэ Горнай улууһун Бэрдьигэстээх сэлиэнньэтин ыччаттара нэһилиэк сэбиэтэ тэриллибит күнүн бэлиэтээтилэр. Бу туһунан Бэрдьигэстээх…
Сэтинньи 4-6 күннэригэр Дьокуускайга Сомоҕолоһуу күнүгэр аналлаах норуот уус-уран оҥоһуктарыгар босхо маастар-кылаастары ыытыахтара. Тэрээһини «Мин…
Өлүөнэ муостатын тутар былаһааккаҕа өрүс флотун муус туруон иннинээҕи үлэтэ түмүктэннэ. Ааспыт сезон устата 20-чэ…