ЯСИА
Удачнай куоракка Ньурба улууһуттан төрүттээх 36 саастаах эр киһи өлбүт доҕорун бааҥҥа каартатыттан 208 тыһыынча солкуобайы уорбут диэн уорбаланар. Бу туһунан ИДьМ пресс-сулууспата иһитиннэрэр.
Эр дьон бэйэ-бэйэлэрин кытта чугастык доҕордоһоллор эбит, уорбаланааччы биир кэмҥэ киниэхэ олоро да сылдьыбыт. Доҕоро олохтон туораабытын кэннэ, Удачнайга чугас аймахтара суох буолан, малын чугастааҕы улууска дьонугар тиэрдэргэ бэйэтэ баҕа өттүнэн көмөлөһөргө сөбүлэспит.
Өлбүт киһи малыгар-салыгар, докумуоннарыгар сыһыарыллыбыт киһи, харчытын тус наадатыгар туһанарга быһаарыммыт. Баан каартатын ПИН-куодун билэр буолан, кылгас кэм иһигэр 208 160 солкуобайы уста охсон, туһаммыт.
Бу харчыга уорбаланааччы көмүс биһилэҕи, сыаналаах ноутбугу уонна смарт-чаһыны атыыласпыт. Оттон ордубут үбү-харчыны арыгыга уонна көргө-нарга ороскуоттаабыт.
Харчы сүппүтүн өлбүт киһи уола билбит. Кини аҕатын нэһилиэстибэтин оҥортороругар баантан быппыысканы көрдөөн ылан баран, харчы уһуллубутун көрөн сэрэйбит.
Мииринэй оройуонун полициятын отдела иһитиннэрэринэн, 36 саастаах эр киһиэхэ сыһыаннаах Арассыыйа Федерациятын Холуобунай кодексатын 158-с ыстатыйатын 3-с чааһынан («Уоруу») холуобунай дьыала тэрилиннэ.
Өрөспүүбүлүкэ нэһилиэнньэлээх пууннара массыына кыһыҥҥы суола аһыллыар диэри ирдэнэр кээмэйдээх оттук-энэргэтиическэй саппааһынан олоччу хааччылыннылар. Бу…
«Күн бүгүн эрэгийиэн иһинээҕи көтүүлэри үбүлээһин өрөспүүбүлүкэ бүддьүөтүн суотугар эрэ ыытыллар. Бу сыалга 250 мөлүйүөн…
Арассыыйаҕа массыына атыылаһарга чэпчэтиилээх кирэдьииттээһин хас даҕаны судаарыстыбаннай бырагыраама үлэлиир. Ону туһанан саҥа массыынаны атыылаһыахха…
Бу күннэргэ Горнай улууһун Бэрдьигэстээх сэлиэнньэтин ыччаттара нэһилиэк сэбиэтэ тэриллибит күнүн бэлиэтээтилэр. Бу туһунан Бэрдьигэстээх…
Сэтинньи 4-6 күннэригэр Дьокуускайга Сомоҕолоһуу күнүгэр аналлаах норуот уус-уран оҥоһуктарыгар босхо маастар-кылаастары ыытыахтара. Тэрээһини «Мин…
Өлүөнэ муостатын тутар былаһааккаҕа өрүс флотун муус туруон иннинээҕи үлэтэ түмүктэннэ. Ааспыт сезон устата 20-чэ…