Ууну ыраастыыр ыстаансыйа тутуутун Ньурба борокуруора хонтуруолга ылла

Ньурба улууһун борокуруора, Ньурба улууһун Инвестиционнай- Строительнай управлениетын салайааччыта уонна бэдэрээтчит  буолан сууккаҕа 1200 куб.м. ууну ыраастыыр ыстаансыйа тутуутун үлэтин хаамытын бастакы түһүмэҕин көрдүлэр.

Эбийиэк тутуута «Дьиэ-уот уонна куорат эйгэтэ» национальнай бырайыагынан «Ыраас уу» федеральнай бырагыраама чэрчитинэн ыытыллар. Көрсүһүү кэмигэр оробуочай бөлөх чилиэттэрэ эбийиэги көрдүлэр, сакаасчыт уонна бэдэрээтчит кыттыылаах сүбэ мунньах ыыттылар. Хантараагынан олохтоммут үлэ кэмигэр толоруллубута кутталлааҕынан сибээстээн, оройуон борокуруора ООО «Сибтрансстрой»  ХЭУо дириэктэригэр сэрэтии биллэрдэ. Бу туһунан СӨ Борокуратууратын пресс-сулууспата суруйар.

Национальнай бырайыагы олоххо киллэрии чэрчитинэн муниципальнай хантараак туолуута Ньурба улууһун борокуратууратын хонтуруолугар ылылынна.