видеоттан скрин
Бүгүн сарсыарда Таатта улууһун Уус Таатта сэлиэнньэтигэр эһэ оҕотун көрбүттэр. Олохтоохтору сэрэхтээх буолалларыгар ыҥыраллар.
Бу туһунан taattagazeta телеграм-ханаала иһитиннэрэр. Куотан эрэр эһэ оҕотун устубут видеоларын соцситимнэргэ тарҕаттылар. Исписэлиистэр уонна олохтоох дьаһалта дьону сэрэхтээх буолалларыгар ыҥыраллар — эһэ оҕотун чугаһыгар ийэтэ баар буолуон сөп. Тыатааҕы оҕотун көмүскээн дьоҥҥо саба түһүөн сөптөөҕүн өйдүөххэ наада.
Санатан эттэххэ, от ыйыгар Алдан оройуонун Хатыстыыр сэлиэнньэтигэр эһэ түөрт дьиэҕэ киирэ сылдьыбыта. Биир дьиэҕэ эр киһи кыра саастаах уолунаан бааллара. Дьолго, кинилэр дьиэ үрдүгэр тахсан саһан быыһаммыттара уонна эмсэҕэлээбэтэхтэрэ. Ону тэҥэ, соторутааҕыта Саха сирин биир суолугар эһэ оҕото уонна ыт ааһар массыыналартан ас көрдүү туралларын устар видеота эмиэ тарҕаммыта.
Бэлиэтээн эттэххэ, кэнники сылларга тыатааҕылар дьонтон букатын куттаммат буоллулар. Исписэлиистэр бэлиэтииллэринэн, тыатааҕылар бөҕү тоҕор сирдэргэ ас дэлэйиттэн, тыа баһаардарын түмүгэр айылҕаҕа астара аҕыйаабытынан, ону таһынан дьон бэйэлэрэ аһаталларыттан сылтаан маннык дьоҥҥо тардыһар, чугаһыыр буоллулар. Бу дьоҥҥо да, кыылларга бэйэлэригэр да олус сэрэхтээх уонна кутталлаах көстүү буолар.
Өрөспүүбүлүкэ нэһилиэнньэлээх пууннара массыына кыһыҥҥы суола аһыллыар диэри ирдэнэр кээмэйдээх оттук-энэргэтиическэй саппааһынан олоччу хааччылыннылар. Бу…
«Күн бүгүн эрэгийиэн иһинээҕи көтүүлэри үбүлээһин өрөспүүбүлүкэ бүддьүөтүн суотугар эрэ ыытыллар. Бу сыалга 250 мөлүйүөн…
Арассыыйаҕа массыына атыылаһарга чэпчэтиилээх кирэдьииттээһин хас даҕаны судаарыстыбаннай бырагыраама үлэлиир. Ону туһанан саҥа массыынаны атыылаһыахха…
Бу күннэргэ Горнай улууһун Бэрдьигэстээх сэлиэнньэтин ыччаттара нэһилиэк сэбиэтэ тэриллибит күнүн бэлиэтээтилэр. Бу туһунан Бэрдьигэстээх…
Сэтинньи 4-6 күннэригэр Дьокуускайга Сомоҕолоһуу күнүгэр аналлаах норуот уус-уран оҥоһуктарыгар босхо маастар-кылаастары ыытыахтара. Тэрээһини «Мин…
Өлүөнэ муостатын тутар былаһааккаҕа өрүс флотун муус туруон иннинээҕи үлэтэ түмүктэннэ. Ааспыт сезон устата 20-чэ…