Жанна Бурмистрова хаартыскаҕа түһэриитэ
От ыйын сыралҕан сылаас күннэригэр Таатта улууһугар айар-суруйар дьоҥҥо аналлаах «Уус тыл кыһата» уһуйаан буолан ааста. Уһуйаан уус-уран салайааччытынан Елена Васильевна Слепцова — Куорсуннаах, сүрүннээччи Гаврил Гаврильевич Андросов, өйөөччүлэринэн СӨ Духуобунаска академията, «Чолбон» сурунаал, Б.А.Ойуунускай аатынан түмэл, тэрийээччи Таатта улууһун норуот айымньытын дьиэтэ буоллулар.
Маннык ис хоһоонноох уһуйаан Таатта улууһугар бастакытын ыытылынна. Ол курдук, үс күн устата Арассыыйа уонна Саха сирин суруйааччыларын сойууһун чилиэннэрэ: Саха норуодунай суруйааччыта Елена Слепцова — Куорсуннаах, «Чолбон» сурунаал бас эрэдээктэрэ Гаврил Андросов,, Б.А.Ойуунускай аатынан түмэл култуурунай сырдатар салаатын сэбиэдэссэйэ Анатолий Слепцов, Баайаҕа нэһилиэгин «Көмүлүөк күлүмэ» литературнай түмсүүтүн чилиэнэ Ольга Макарова уһуйуллааччыларын айымньыларын ырыттылар.
Маны сэргэ, уһуйааччылар уһуйуллааччыларын ытык сирдэринэн, суруйааччыларбыт төрөөбүт-үөскээбит алаастарынан сырытыннардылар. Ол курдук, Өксөкүлээх Өлөксөй Амыдайынан, Алампа Куобах Буһарбытынан, Оккуодайынан, Былатыан Ойуунускай Муҥха Дэлбэрийбитинэн, Суорун Омоллоон Ытык Таҥаһынан сырытыннардылар.
Айар-суруйар, бэйэлэрин суолларын көрдөнө сылдьар дьоҥҥо алаастарынан айан ураты тыыны киллэрдэ. Ырытыһыы, уһуйуллуу түмүгүнэн кыттааччылар бары туоһу суругу туттулар.
Өрөспүүбүлүкэ нэһилиэнньэлээх пууннара массыына кыһыҥҥы суола аһыллыар диэри ирдэнэр кээмэйдээх оттук-энэргэтиическэй саппааһынан олоччу хааччылыннылар. Бу…
«Күн бүгүн эрэгийиэн иһинээҕи көтүүлэри үбүлээһин өрөспүүбүлүкэ бүддьүөтүн суотугар эрэ ыытыллар. Бу сыалга 250 мөлүйүөн…
Арассыыйаҕа массыына атыылаһарга чэпчэтиилээх кирэдьииттээһин хас даҕаны судаарыстыбаннай бырагыраама үлэлиир. Ону туһанан саҥа массыынаны атыылаһыахха…
Бу күннэргэ Горнай улууһун Бэрдьигэстээх сэлиэнньэтин ыччаттара нэһилиэк сэбиэтэ тэриллибит күнүн бэлиэтээтилэр. Бу туһунан Бэрдьигэстээх…
Сэтинньи 4-6 күннэригэр Дьокуускайга Сомоҕолоһуу күнүгэр аналлаах норуот уус-уран оҥоһуктарыгар босхо маастар-кылаастары ыытыахтара. Тэрээһини «Мин…
Өлүөнэ муостатын тутар былаһааккаҕа өрүс флотун муус туруон иннинээҕи үлэтэ түмүктэннэ. Ааспыт сезон устата 20-чэ…