Хаартыска: тэрийээччилэртэн
ВЭФ-2026: 14 тыһыынчаттан тахса ыалдьыт «ВОИН» киин интерактивнай бырагырааматын сыаналаатылар.
ВЭФ-2026 14 тыһ.тахса ыалдьыта пилота суох көтөр аппарааттары салайыыны, роботизированнай манекеннарга эвакуация үөрүйэхтэрин сайыннарыыны көрдүлэр, билистилэр уонна «ВОИН» байыаннай-спортивнай бэлэмнэнии, патриотическай иитии киинин интерактивнай былаһаакатыгар квест аастылар. Истиэндэ бырайыакка улахан интэриэс баарын көрдөрдө. Ол курдук, Саха сиригэр филиал икки сыл иһигэр 4 тыһыынчаттан тахса курсааны бэлэмнээбит, ол иһигэр 900-тэн тахса доброволец уонна контрактник киирэллэр. РФ Бырабыыталыстыбатын Бэрэссэдээтэлин солбуйааччы — РФ Бэрэсидьиэнин Уһук Илиҥҥэ боломуочуйалаах бэрэстэбиитэлэ, «ВОИН» уиин кэтээн көрөр сэбиэтин бэрэссэдээтэлэ Юрий Трутнев бэлиэтээбитинэн, Уһук Илин сүрүн былаһаакканан буолар, эппиэтинэстээх көлүөнэни иитэн таһаарарга. Онтон саҥа филиаллары арыйар туһунан быһаарыы бу үлэҕэ күүстээх тирэх буолар.
2022 сыллаахха Арассыыйа Бэрэсидьиэнэ Владимир Путин сорудаҕынан тэриллибит «ВОИН» киин бары федеральнай уокуруктарга бэрэстэбиитэлистибэлэрдээх. Саха сирин филиала сөҕүмэр түмүктэри көрдөрөр: манна үөрэх 40-тан тахса бырагырааманан ыытыллар. Уһуйааччылар бойобуой уопуттаахтар: 20 инструктортан 18 байыаннай дьайыы кыттыылаахтара. Курсааннары үөрэтиигэ дойдуга барыта 500 кэриҥэ инструктор үлэлиир, ол иһигэр РФ бойобуой снайпиҥҥа федерациятыттан бааллар.
Владивостокка быыстапкаҕа павильон бырагыраамата практическай хайысхалааҕа болҕомтону ордук тардыбыта бэлиэтэнэр. Манна сылдьааччылар, ыалдьыттар кэтээн көрөөччүнэн эрэ буолбакка, бэйэлэрэ эмиэ барытыгар тутан-хабан, холонон кыттыыны ыллылар. Бойобуой ускуустубаны көрдөрүүлэрэ улахан сэргэхсийиини таһаарда, «Патриотическая» ТОР резиденнэрин аныгы тиэхиньикэлэрин экспозициятын сэҥээрдилэр. Бу туһунан СӨ Ил Дарханын уонна Бырабыыталыстыбатын пресс-сулууспата суруйар.
Сиһилии: https://www.sakha.gov.ru/news/63242
Өрөспүүбүлүкэ нэһилиэнньэлээх пууннара массыына кыһыҥҥы суола аһыллыар диэри ирдэнэр кээмэйдээх оттук-энэргэтиическэй саппааһынан олоччу хааччылыннылар. Бу…
«Күн бүгүн эрэгийиэн иһинээҕи көтүүлэри үбүлээһин өрөспүүбүлүкэ бүддьүөтүн суотугар эрэ ыытыллар. Бу сыалга 250 мөлүйүөн…
Арассыыйаҕа массыына атыылаһарга чэпчэтиилээх кирэдьииттээһин хас даҕаны судаарыстыбаннай бырагыраама үлэлиир. Ону туһанан саҥа массыынаны атыылаһыахха…
Бу күннэргэ Горнай улууһун Бэрдьигэстээх сэлиэнньэтин ыччаттара нэһилиэк сэбиэтэ тэриллибит күнүн бэлиэтээтилэр. Бу туһунан Бэрдьигэстээх…
Сэтинньи 4-6 күннэригэр Дьокуускайга Сомоҕолоһуу күнүгэр аналлаах норуот уус-уран оҥоһуктарыгар босхо маастар-кылаастары ыытыахтара. Тэрээһини «Мин…
Өлүөнэ муостатын тутар былаһааккаҕа өрүс флотун муус туруон иннинээҕи үлэтэ түмүктэннэ. Ааспыт сезон устата 20-чэ…