Хаартыска: sakhagov.ru
Саха сирэ уонна Вьетнам икки ардыларыгар чартернай рейстэри сөргүтүү туһунан Ил Дархан Айсен Николаев уонна Вьетнам үбүн миниистирэ Нго Ван Туан Илиҥҥи экэнэмиичэскэй пуорумҥа дьүүллэстилэр.
Ил Дархан, бырабыыталыстыба пресс-сулууспата иһитиннэрэринэн, кэпсэтии «Уһук Илин уулуссата» быыстапкаҕа Саха сирин павильонугар буолла. Манна Вьетнам дэлэгээссийэтигэр эрэгийиэн кыаҕын көрдөрдүлэр.
«Туризмы уонна биисинэс сибээһин бөҕөргөтөргө Айсен Николаев Вьетнам авиахампаанньаларын кыттыһыннаран туран, Дьокуускайтан быһа чартернай рейстэри сөргүтүүнү көрөргө этии киллэрдэ», — диэн бырабыыталыстыба пресс-сулууспата иһитиннэрэр.
Нго Ван Туан көрдөрүллүбүт бырайыактары үрдүктүк сыаналаата уонна көҕүлээһиннэри өйөөтө.
«Вьетнам Саха сирин кытта бииргэ үлэлэһиигэ, ордук айылҕа баайын, тыа хаһаайыстыбатын уонна туризм хайысхаларыгар улахан кыаҕы көрөр. Бүгүн биһиги павильоҥҥа көрбүт ураты бырайыактарбыт өрөспүүбүлүкэ бары наадалаах ресурсалардаах уонна идэлээх каадырдардаах буоларын бигэргэтэллэр. Биһиги норуоттарбыт туһугар бииргэ үлэлэһии мэхэньиисимнэрин сиһилии ырытан оҥорорго бэлэммит», — диэн миниистир эттэ.
Дьокуускайтан Вьетнамҥа (Нячанг куоракка) быһа чартернай рейстэр 2013 сылтан 2016 сылга диэри көтөр этилэрэ. Ону 2020 сыл саҥатыгар сөргүтээри гыммыттара, ол эрэн былааннары олоххо киллэриини коронавирус хамсыга мэһэйдээбитэ.
Өрөспүүбүлүкэ нэһилиэнньэлээх пууннара массыына кыһыҥҥы суола аһыллыар диэри ирдэнэр кээмэйдээх оттук-энэргэтиическэй саппааһынан олоччу хааччылыннылар. Бу…
«Күн бүгүн эрэгийиэн иһинээҕи көтүүлэри үбүлээһин өрөспүүбүлүкэ бүддьүөтүн суотугар эрэ ыытыллар. Бу сыалга 250 мөлүйүөн…
Арассыыйаҕа массыына атыылаһарга чэпчэтиилээх кирэдьииттээһин хас даҕаны судаарыстыбаннай бырагыраама үлэлиир. Ону туһанан саҥа массыынаны атыылаһыахха…
Бу күннэргэ Горнай улууһун Бэрдьигэстээх сэлиэнньэтин ыччаттара нэһилиэк сэбиэтэ тэриллибит күнүн бэлиэтээтилэр. Бу туһунан Бэрдьигэстээх…
Сэтинньи 4-6 күннэригэр Дьокуускайга Сомоҕолоһуу күнүгэр аналлаах норуот уус-уран оҥоһуктарыгар босхо маастар-кылаастары ыытыахтара. Тэрээһини «Мин…
Өлүөнэ муостатын тутар былаһааккаҕа өрүс флотун муус туруон иннинээҕи үлэтэ түмүктэннэ. Ааспыт сезон устата 20-чэ…