Тускулаана Горохова-Кобельянова
Сунтаардааҕы Олорор дьиэ уонна хомунаалынай хаһаайыстыба тэрилтэтин эр дьоно Аан дойду дьахталларын күнүнэн икки тɵгүлүн кэнсиэр бэлэмнии сылдьаллар.
Сунтаардааҕы ОДьКХ суоппара Александр Лазарев бу тэрилтэҕэ отуттан тахса сыл үлэлээн кэллэ. Үгүс суоппар олус ырыаһыт буолар эбит. Кини эмиэ айан, үлэ кэмигэр сылдьан ыллыырын олус сөбүлүүр.
Александр Лазарев: «Бу буолаары турар кэнсиэрпитигэр долгуйа бэлэмнэнэбит, ыллыырбын олус сөбүлүүбүн. Степан Егоров улууспут саамай улахан хочуолунайын оператора. Кини бу иннинэ ɵр сылларга инженеринэн үлэлээбитэ. Кэнники кэмҥэ үгүс кэнсиэртэргэ ыллыырын кɵрүɵххэ сɵп».
Степан Егоров: «Былырыын «Сааскы серенада» бырайыакка ОДьКХ-лар кыттыахпытын сөп диэн баҕабытын этэн бэртээхэй кэнсиэр тэриллибитэ, быйыл эмиэ кэнсиэртээн эрэбит. ОДьКХ Аан дойду дьахталларын күнүнэн кэрэ аҥардарга иккис тɵгүлүн кэнсиэр тэрийэр. Манна хонтуора, хочуолунай үлэһиттэрэ үгүһэ кыттыыны ылаллар».
Артем Иванов, ОДьКХ инженерэ: «Бу кэнсиэркэ тыаттан Дьаархантан, Хадантан игин кэлэн кыттыыны ылыахтара уонна хонтуораҕа үлэлээччилэр, хочуолунай туруу үлэһиттэрэ баар буолуохтара. “Сааскы серенада” диэн эр дьон кэнсиэрин кɵҕүлүүр бырайыак ааптара Айсен Федоров. Бу күннэргэ киэһэ аайы кулуупка эр дьон ырыата дуорайар. Бэл, Хадантан кытта кэлэн ырыаҕа бэлэмнэнэнэллэр».
Геннадий Пустоляков, ОДьКХ бэтэрээнэ: «Мин ОДьКХ өр кэмҥэ үлэлээбитим, ыҥырыыларын ылынан үөрүүнү кытта кэллим».
Николаев Сивцев, ОДЬкХ Идэлээх сойуустарын бэрэссэдээтэлэ: «Тэрээһин нөҥүө түмсэбит, үөрэ-көтө кулун тутар 6 күнүн күүтэбит».
Тускулаана Горохова-Кобельянова
“Ежевика тымырдары бөҕөргөтөр кыахтаах. Састаабыгар С битэмиини уонна антиоксиданнары булуохха сөп”, - диэн диетолог, терапевт-быраас…
Абый улууһун борокуруора Эбээн-Бытантай улууһун Кустуур сэлиэнньэтин олохтооҕор тэриллибит холуобунай дьыаланы суукка ыытта диэн СӨ…
Алтынньы 30 күнүгэр Дьокуускай куоракка Саха Өрөспүүбүлүкэтин судаарыстыбаннай уонна уопсастыбаннай диэйэтэлэ, педагогика билимин хандьыдаата, өрөспүүбүлүкэ…
Ил Түмэн Бэрэссэдээтэлин солбуйааччы Юрий Николаев «Актуальное интервью» биэриигэ эрэгийиэннээҕи инвестиционнай бырайыактар кыттааччыларыгар барыска нолуок…
Хаҥалас оройуонугар социальнай координатордар көҕүлээһиннэринэн оройуон дьаһалтатын өйөбүлүнэн «Сарын-сарынтан өйөһөн» бырайыагы олоххо киллэрии салҕанар. Бу…
Саха сиригэр «Куттала суох Арктика — 2027» ыксаллаах быһыыга-майгыга үөрэтэр эрчиллиилэргэ бэлэмнэниини дьүүллэстилэр. Мунньахха Саха…