Владимир Путин Федеральнай Мунньахха туһаайан этиитэ ыытыллыаҕа

Сыл ахсын ыытыллар Российскай Федерация Бэрэсидьиэнэ Владимир Владимирович Путин Федеральнай Мунньахха туһаайан этиитэ олунньу 29 күнүгэр ыытыллыаҕа.

Москва бириэмэтинэн күнүс 12:00 чаастан, Саха сиригэр киэһэ 18:00 чааска саҕаланар.

Дойду Бэрэсидьиэнин парламеҥҥа туһаайан этиитэ «Первый» уонна «Россия 1» федеральнай ханаалларга  быһа эпииргэ көрдөрүөхтэрэ.

Бэрэсидьиэн парламеҥҥа туһаайан этиитэ — национальнай лидер парламент икки балаататыгар аһаҕас иһитиннэриитэ. Этиигэ бу сылга тас уонна ис бэлиитикэ хайысхалара чуопчуланаллар. Кириэмил иһитиннэрбитинэн, быйыл Владимир Путин Арассыыйа стратегическай сайдыытын былаанын өссө алта сылга диэри уһатыаҕа.

Бэрэсидьиэн пресс-сэкирэтээрэ Дмитрий Песков этэринэн, Владимир Путин дакылаатын тиэкиһинэн тус бэйэтэ үлэлиир, уонтан тахса төлөпүөнүнэн кэпсэтиилэри ыытар, Бырабыыталыстыба чилиэннэрин уонна туһааннаах федеральнай биэдэмистибэлэр салайааччыларын кытта көрсүһүүлэри тэрийэр.

РФ Бэрэсидьиэнин Федеральнай Мунньахха туһаайан этиитэ хас да төгүлүн дойдуга суолталаах сүрүн бэлитиичэскэй быһаарыылары аһаҕастык иһитиннэриитин трибуната буолар.

СӨ Ил Дарханын уонна Бырабыыталыстыбатын пресс-сулууспата.