Вячеслав Литавин: «Барытын бииргэ эрэ быһаарар кыахтаахпыт…»

СӨ Уопсастыбаннай балаататын чилиэнэ Вячеслав Литавин байыастары социализациялыырга ханнык бырагыраамалар наадаларын туһунан санаатын үллэһиннэ.

«Бу — бастатан туран, успуорт. Уолаттар дьиҥнээхтик санааларын өрө көтөҕөр туһугар үлэлиэхтээхпит. Биллэн турар, дойду үрдүнэн кыһалҕа элбэх, ол эрээри маны барытын бииргэ эрэ быһаарар кыахтаахпыт!», – диэн Вячеслав Литавин эттэ.

Саха сиригэр анал байыаннай дьайыы кыттыылаахтарын өйөөһүҥҥэ уонна социализациялыырга ситимнээх үлэҕэ улахан болҕомто ууруллар. Сүрүн бырайыагынан Ил Дархан Айсен Николаев көҕүлээбит «Саха сирэ – дьоруойдар сирдэрэ» каадыр бырагыраамата буолар. Бу бырагыраама РФ Бэрэсидьиэнэ Владимир Путин урут үлэлэппит «Дьоруойдар кэмнэрэ» Бүтүн Арассыыйатааҕы бырайыак салҕааһынынан буолар.. Сиһилии бырагыраама туһунан якутияземлягероев.рф. саайтка билсиҥ.