«Якутия» авиахампаанньа «хара бээтинсэни» биллэрдэ

«Якутия» авиахампаанньа  Арассыыйа иһигэр көтөр рейстэригэр  40  бырыһыан  чэпчэтиилээх «хара бээтинсэни» биллэрдэ. 

Ол курдук, чэпчэтиилээх билиэттэр сэтинньи 25, 26, 27 күннэригэр эрэ атыыланалларын туһунан олохтоох авиахампаанньа иһитиннэрэр.  Субсидиялаах билиэттэр  бу чэпчэтиигэ хабыллыбаттар.  Чэпчэтиилээх билиэттэр быйыл  сэтинньи 25 күнүттэн ахсынньы 20 күнүгэр диэри уонна 2023 сылга тохсунньу 11 күнүттэн кулун тутар 25 күнүгэр диэри  көтөр рейстэргэ атыыланаллар. Билиэттэри Дьокуускай куоракка баар бары авиакаассалар атыылыыллар.  8 800 700 21 90 диэн нүөмэргэ эрийэн билсиэххитин сөп.