https://russia.ru/family-lab
Аныгы дьиэ кэргэн туһунан контены оҥорооччуларга анаммыт «Дьиэ кэргэн сыаннастарын лабораторията» («Лаборатория семейных ценностей») бырагыраамаҕа сайаапкалары хомуйуу саҕаланна.
Манна бэйэлэрин блогтарын салайар эбэтэр ити тиэмэҕэ бырайыактары олоххо киллэрэр ыаллар, ону тэҥэ социальнай ситимнэргэ дьиэ кэргэн туһунан суруйуохтарын баҕарар дьон кыттыахтарын сөп диэн «Россия» национальнай киин иһитиннэрэр.
Тэрийээччилэр кэпсииллэринэн, бырагырааманы оҥоруу олоҕу кэтээн көрүүттэн үөскээбит: үгүс дьон бырайыактары оҥорорго уонна дьиэ кэргэн сыаннастарын киэҥник тарҕатарга бэлэмнэр, ол эрээри сорохторго билии-көрүү, сатабыл тиийбэт.
«Биһиги санаабытыгар, дьиэ кэргэн — бу күннээҕи олох: бииргэ айаннааһын, саҥаны арыйыы, бэйэ-бэйэҕэ кыһамньы уонна үйэлээх өйдөбүл буолан хаалар түгэннэр. Дьэ маннык боростуой суолларга дьиҥнээх дьиэ кэргэн сыаннастара үөскүүллэр. Ол иһин билигин ыаллары түмэр бырайыактар баар буолаллара олус суолталаах дии саныыбыт. Маннык бырагыраамалар көмөлөрүнэн дьиэ кэргэн туһунан үтүө, сырдык кэпсээннэр элбииллэр, ол аата бииргэ атаарбыт кэмнэрин сыаналыыр дьон үксүүр», — диэн Юрий уонна Анна Ежовтар бэлиэтээтилэр.
Бастаан кыттыылаахтар куонкурус сүүмэрдээһинин ааһыахтара. Онно бастыҥ буолбуттар бэйэлэрин бырайыактарын чочуйар туһуттан «Россия» национальнай кииҥҥэ барыахтара. Кинилэргэ сүрүн медиа-платформалар салайааччылара, блогердар уонна контены оҥорооччулар настаабынньык буолуохтара. Саамай ситиһиилээх бырайыактар олоххо киирэллэригэр уонна бырагыраама партнердарытта) өйөбүл ылалларыгар кыах бэриллиэҕэ.
Бырайыак Бэрэсидьиэн култуурунай көҕүлээһиннэрин пуондатын өйөбүлүнэн олоххо киирэр. Кыттарга сайаапканы атырдьах ыйын 24 күнүгэр диэри «Россия» национальнай киин саайтыгар биэриэххэ сөп.
Өрөспүүбүлүкэ нэһилиэнньэлээх пууннара массыына кыһыҥҥы суола аһыллыар диэри ирдэнэр кээмэйдээх оттук-энэргэтиическэй саппааһынан олоччу хааччылыннылар. Бу…
«Күн бүгүн эрэгийиэн иһинээҕи көтүүлэри үбүлээһин өрөспүүбүлүкэ бүддьүөтүн суотугар эрэ ыытыллар. Бу сыалга 250 мөлүйүөн…
Арассыыйаҕа массыына атыылаһарга чэпчэтиилээх кирэдьииттээһин хас даҕаны судаарыстыбаннай бырагыраама үлэлиир. Ону туһанан саҥа массыынаны атыылаһыахха…
Бу күннэргэ Горнай улууһун Бэрдьигэстээх сэлиэнньэтин ыччаттара нэһилиэк сэбиэтэ тэриллибит күнүн бэлиэтээтилэр. Бу туһунан Бэрдьигэстээх…
Сэтинньи 4-6 күннэригэр Дьокуускайга Сомоҕолоһуу күнүгэр аналлаах норуот уус-уран оҥоһуктарыгар босхо маастар-кылаастары ыытыахтара. Тэрээһини «Мин…
Өлүөнэ муостатын тутар былаһааккаҕа өрүс флотун муус туруон иннинээҕи үлэтэ түмүктэннэ. Ааспыт сезон устата 20-чэ…