Хаартыска: https://www.magnific.com
Саха сиринээҕи гидрометеорология киинэ өрөспүүбүлүкэ үгүс улуустарыгар күн-дьыл туруга эмискэ уларыйарын, хаар уонна күүстээх тыал түһэрин туһунан сэрэтэр.
Синоптиктар иһитиннэрэллэринэн, алтынньы 2 күнүгэр, бээтинсэҕэ, өрөспүүбүлүкэ улуустарын үгүс өттүгэр кыралаан, сорох сирдэринэн ортотунан инчэҕэй хаар түһэрэ сабаҕаланар. Итиэннэ Өлүөнэ аллараа тардыытынан баар улуустарга күүстээх хаар түһэрин туһунан сэрэтэллэр.
Оттон Арктика уонна хотугулуу-арҕаа улуустарга, ону тэҥэ Өлүөнэ аллараа тардыытынан тыал тэтимэ сөкүүндэҕэ 15–20 мэтргэ тиийэ күүһүрүөҕэ.
Түүнүн өрөспүүбүлүкэ киин улуустарыгар салгын температурата -1…-6 °С тымныы, сөҥүү түстэҕинэ 0…+5 °С кыраадыс буолуоҕа. Хотугулуу-илиҥҥи улуустарга халлаан арылыннаҕына -10…-15 °С диэри тымныйыаҕа. Күнүһүн киин улуустарга +2…+7 °С сылаас буолара сабаҕаланар, оттон арҕааҥҥы улуустарга +6…+11 °С диэри сылыйыа.
Дьокуускай куоракка түүнүн -3…-5 °С тымныы, оттон күнүһүн +5…+7 °С диэри сылыйара күүтүллэр. Киэһэлик кыралаан ардахтаах хаар түһүөҕэ.
Өрөспүүбүлүкэ нэһилиэнньэлээх пууннара массыына кыһыҥҥы суола аһыллыар диэри ирдэнэр кээмэйдээх оттук-энэргэтиическэй саппааһынан олоччу хааччылыннылар. Бу…
«Күн бүгүн эрэгийиэн иһинээҕи көтүүлэри үбүлээһин өрөспүүбүлүкэ бүддьүөтүн суотугар эрэ ыытыллар. Бу сыалга 250 мөлүйүөн…
Арассыыйаҕа массыына атыылаһарга чэпчэтиилээх кирэдьииттээһин хас даҕаны судаарыстыбаннай бырагыраама үлэлиир. Ону туһанан саҥа массыынаны атыылаһыахха…
Бу күннэргэ Горнай улууһун Бэрдьигэстээх сэлиэнньэтин ыччаттара нэһилиэк сэбиэтэ тэриллибит күнүн бэлиэтээтилэр. Бу туһунан Бэрдьигэстээх…
Сэтинньи 4-6 күннэригэр Дьокуускайга Сомоҕолоһуу күнүгэр аналлаах норуот уус-уран оҥоһуктарыгар босхо маастар-кылаастары ыытыахтара. Тэрээһини «Мин…
Өлүөнэ муостатын тутар былаһааккаҕа өрүс флотун муус туруон иннинээҕи үлэтэ түмүктэннэ. Ааспыт сезон устата 20-чэ…