https://www.magnific.com/
Социальнай ситимнэргэ күн уотуттан харыстыыр кириэм тирии араагын көбүтэр диэн куттуур суруйуулар эмиэ тарҕанан бардылар. Бу сыл аайы күһүн күөрэйэн тахсар үһүйээн буолар.
Маннык этиилэр билим чахчыларын сыыһа өйдөөһүнтэн тахсаллар. Чинчийээччилэр кириэминэн туттар дьоҥҥо тирии араагынан ыалдьыы куттала үрдүгүн кырдьык бэлиэтииллэр, ол эрээри манна биричиинэтэ уонна содула олох атын. Кириэм киһиэхэ «күн уотуттан толору харыстанным» диэн сымыйа санааны үөскэтэр. Ол түмүгэр дьон күн уотугар уһуннук сылдьаннар, ультрафиолет сардаҥатын олус элбэхтик ылаллар.
Доруобуйа харыстабылын аан дойдутааҕы тэрилтэтэ бэлиэтииринэн, күн уотуттан харыстыыр кириэм— тирии араагын сэрэтэр ньыма, ону сөпкө туһаныахха эрэ наада. Кириэмиэ сөптөөх кээмэйинэн соттуохха уонна куруук саҥардан биэриэххэ наада. Ону таһынан төбөҕө бэргэһэ уонна күн уотун аһарбат таҥаһы умнуо суохтаахпыт. SPF — харыстаныы биир эрэ ньымата буолар.
Аан дойду учуонайдара тириини харыстыырга SPF-кириэмнэри мэлдьи туһанарга сүбэлииллэр. «Кириэми SPF 15-тэн кырата суоҕу талыҥ, — диэн Роспотребнадзорга этэллэр. — Өскөтүн күнүс үксүн дьиэ иһигэр олорор буоллаххытына уонна таһырдьа сэдэхтик тахсар түгэҥҥитигэр, SPF 15 уонна онтон үрдүк көрдөрүүлээх кириэми эбэтэр косметиканы туһаныаххытын сөп. Оттон таһырдьа уһуннук сылдьар, ордук күн уота саамай күүһүрэр кэмигэр таһырдьа буолар түгэҥҥитигэр, ууга суураллыбат SPF 30 уонна онтон үрдүк көрдөрүүлээх кириэм наада.
Итиэннэ эспиэрдэр ханнык да кириэм сүүс бырыһыан харыстаабатын бэлиэтииллэр. «Ол иһин, күнү быһа пляжка сылдьар да буоллаххытына, күлүк сиргэ олорорго кыһаллыҥ эбэтэр чэпчэки ырбаахыта кэтэ сылдьыҥ, улахан сэлээппэни эбэтэр панааманы кэтиҥ. Ордук сарсыарда 11 чаастан күнүс 13 чааска диэри күн уотуттан сэрэниҥ», — диэн исписэлиистэр этэллэр.
Өрөспүүбүлүкэ нэһилиэнньэлээх пууннара массыына кыһыҥҥы суола аһыллыар диэри ирдэнэр кээмэйдээх оттук-энэргэтиическэй саппааһынан олоччу хааччылыннылар. Бу…
«Күн бүгүн эрэгийиэн иһинээҕи көтүүлэри үбүлээһин өрөспүүбүлүкэ бүддьүөтүн суотугар эрэ ыытыллар. Бу сыалга 250 мөлүйүөн…
Арассыыйаҕа массыына атыылаһарга чэпчэтиилээх кирэдьииттээһин хас даҕаны судаарыстыбаннай бырагыраама үлэлиир. Ону туһанан саҥа массыынаны атыылаһыахха…
Бу күннэргэ Горнай улууһун Бэрдьигэстээх сэлиэнньэтин ыччаттара нэһилиэк сэбиэтэ тэриллибит күнүн бэлиэтээтилэр. Бу туһунан Бэрдьигэстээх…
Сэтинньи 4-6 күннэригэр Дьокуускайга Сомоҕолоһуу күнүгэр аналлаах норуот уус-уран оҥоһуктарыгар босхо маастар-кылаастары ыытыахтара. Тэрээһини «Мин…
Өлүөнэ муостатын тутар былаһааккаҕа өрүс флотун муус туруон иннинээҕи үлэтэ түмүктэннэ. Ааспыт сезон устата 20-чэ…