Хаартыска:. ЯСИА
Бэнидиэнньиккэ Амма улууһугар үлэтинэн сылдьан, Саха сирин Ил Дархана Устиновтар дьиэ кэргэттэригэр ыалдьыттаата. Эмис нэһилиэгин олохтооҕор Туйара Устиноваҕа Арассыыйа Бэрэсидьиэнэ Владимир Путин ыйааҕынан бу иннинэ «Дьоруой Ийэ» үрдүк аат иҥэриллибитэ.
«Кини Саха сиригэр бу үрдүк ааты ылбыт иккис ийэ буолла. Туйара Петровнаны үтүөлээх наҕараадатынан уонна өрөспүүбүлүкэҕэ бэҕэһээ бэлиэтэммит Ийэ күнүнэн ис сүрэхпиттэн эҕэрдэлиибин! Кини ийэтин Татьяна Никифоровнаны кытта көрсүбүппүттэн үөрдүм. Бу дьиэ кэргэҥҥэ үс көлүөнэ дьахтар «Дьоруой Ийэ» ааты ылбыт – эбэлэрэ, ийэлэрэ уонна Туйара Петровна бэйэтэ. Туйара Петровна эбэтэ уонна ийэтэ уон биирдии оҕону төрөтөн-иитэн, сэбиэскэй кэмҥэ «Дьоруой Ийэ» аакка тиксибиттэрэ. Оттон кини бэйэтэ уон оҕолоох, уон түөрт сиэннээх. Бу улахан дьиэ кэргэн оҕолоро иллээх-эйэлээх буолаллара, ийэлэрин көрөллөрө-истэллэрэ уонна бэйэ-бэйэлэрин өйөһөллөрө ордук улахан суолталаах», — диэн суруйда Айсен Николаев MAX мессенджергэ.
Туйара Устинова отуттан тахса сыл оҕо уһуйааныгар үлэлээбитэ. Улахан дьиэ кэргэн элбэх түбүгүн быыһыгар кини эдэр ийэлэри өйүүргэ уонна биир дойдулаахтарыгар көмөлөһөргө бириэмэ булар.
Туйара Петровна Саха сирин Ил Дарханыгар тыа хаһаайыстыбатын өйүүрүн уонна тыа сирин сайдыытыгар болҕомтотун уурарын иһин махтанна. Амма улууһун олохтоохторугар тыа хаһаайыстыбата үлэнэн хааччыллыы биир сүрүн хайысхатынан уонна дьиэ кэргэн уйгутун төрүөтүнэн буолар. Устиновтар дьиэ кэргэттэрэ эмиэ тус хаһаайыстыбаларын салгыы сайыннараллар. Кэргэнэ олохтон туораабытын кэннэ Туйара Петровна оҕолорун салгыы иитэн, кинилэр үөрэхтэригэр, сайдыыларыгар уонна дьиэ кэргэн үгэстэрин оннунан тутарга ураты болҕомтотун уурбута. Бүгүн улахан оҕолоро араас эйгэҕэ, ол иһигэр доруобуйа харыстабылыгар, үөрэҕириигэ, успуорка уонна баһаарынай сулууспаҕа үлэлииллэр. Оттон кыралар оскуолаҕа үөрэнэллэр, успуорт күрэхтэһиилэригэр, олимпиадаларга уонна айар күрэхтэргэ кытталлар.
Уолаттарыттан биирдэстэрэ, Герман Устинов, тустууга Арассыыйаҕа норуоттар икки ардыларынааҕы кылаастаах маастара, Арассыыйа уонна норуоттар икки ардыларынааҕы күрэхтэһиилэр элбэх төгүллээх кыайыылааҕа, кумах үрдүгэр тустууга Арассыыйаттан бастакы аан дойду чөмпүйүөнэ буолар. Иккис уола, Прохор, Арассыыйа Федерациятын Сэбилэниилээх Күүстэригэр байыаннай сулууспатын бара сылдьар.
Өрөспүүбүлүкэ нэһилиэнньэлээх пууннара массыына кыһыҥҥы суола аһыллыар диэри ирдэнэр кээмэйдээх оттук-энэргэтиическэй саппааһынан олоччу хааччылыннылар. Бу…
«Күн бүгүн эрэгийиэн иһинээҕи көтүүлэри үбүлээһин өрөспүүбүлүкэ бүддьүөтүн суотугар эрэ ыытыллар. Бу сыалга 250 мөлүйүөн…
Арассыыйаҕа массыына атыылаһарга чэпчэтиилээх кирэдьииттээһин хас даҕаны судаарыстыбаннай бырагыраама үлэлиир. Ону туһанан саҥа массыынаны атыылаһыахха…
Бу күннэргэ Горнай улууһун Бэрдьигэстээх сэлиэнньэтин ыччаттара нэһилиэк сэбиэтэ тэриллибит күнүн бэлиэтээтилэр. Бу туһунан Бэрдьигэстээх…
Сэтинньи 4-6 күннэригэр Дьокуускайга Сомоҕолоһуу күнүгэр аналлаах норуот уус-уран оҥоһуктарыгар босхо маастар-кылаастары ыытыахтара. Тэрээһини «Мин…
Өлүөнэ муостатын тутар былаһааккаҕа өрүс флотун муус туруон иннинээҕи үлэтэ түмүктэннэ. Ааспыт сезон устата 20-чэ…