Хаартыска: Оҥоһуу өй
Муус устар 30 күнүгэр Үөһээ Бүлүү улууһун Ороһу нэһилиэгин орто оскуолатын 11-с кылааһын үөрэнээччитэ сүппүтэ. Кини кими да сэрэппэккэ дьиэтиттэн тахсан барбыт этэ.
Уолу көрдөөһүн бэҕэһээ, ыам ыйын 3 күнүгэр, түмүктэннэ. Ол курдук, кинини Ороһуга ыһыахтыыр Абалаах диэн сиртэн буллулар.
Бүгүн Үөһээ Бүлүү улууһун дьаһалтатын планеркатыгар Үөһээ Бүлүү оройуонун ГО уонна ЧС начаалынньыга Василий Федотов иһитиннэрбитинэн, көрдүүр этэрээт ыам ыйын 1 күнүгэр үлэтин саҕалаабыт. Бастакы күннэргэ көрдүүр дьон эдэр киһи суолун-ииһин, таҥаһын-сабын, оттуллубут оһоҕун Балаҕаннах диэн алааска булчут дьиэтигэр (үүтээҥҥэ) булбуттар.
Ыам ыйын 3 күнүгэр 16:10 чаас саҕана Үөһээ Бүлүүтээҕи оҕо дьиэтин дириэктэрин солбуйааччы Рустам Прокопьев Абалаах диэн сиргэ утуйа сытар уолу булбут.
«Түгэнинэн туһанан, көрдөөһүҥҥэ кыттыбыт дьоҥҥо барыларыгар улахан махталбын тиэрдиэхпин баҕарабын», — диэн Федотов бэлиэтээтэ.
Билигин булуллубут уол туруга халымырынан сыаналанар, олоҕор туох да куттал суоһаабат, кинилиин улуус киин балыыһатын быраастара үлэлииллэр. Психологтар эмиэ оҕоҕо да, кини иитэр төрөппүттэригэр да наадалаах көмөнү оҥороллор. Сүппүт уолу көрдөөһүҥҥэ 88 киһи, 16 тиэхиньикэ кыттыбыта.
Үөһээ Бүлүү улууһун баһылыга Валерий Николаев планеркаҕа көрдөөһүҥҥэ көмөлөспүт дьоҥҥо барыларыгар махтанан: «Оҕобут, хата, көһүннэ. Инникитин маннык түбэлтэлэр хатыламматтарыгар баҕарабын», — диэтэ.
Сүппүт уол Мэҥэ-Хаҥалас улууһуттан төрүттээх, Ороһу нэһилиэгэр иитийэх дьиэ кэргэҥҥэ иитиллэр.
Галина Васильева
Өрөспүүбүлүкэ нэһилиэнньэлээх пууннара массыына кыһыҥҥы суола аһыллыар диэри ирдэнэр кээмэйдээх оттук-энэргэтиическэй саппааһынан олоччу хааччылыннылар. Бу…
«Күн бүгүн эрэгийиэн иһинээҕи көтүүлэри үбүлээһин өрөспүүбүлүкэ бүддьүөтүн суотугар эрэ ыытыллар. Бу сыалга 250 мөлүйүөн…
Арассыыйаҕа массыына атыылаһарга чэпчэтиилээх кирэдьииттээһин хас даҕаны судаарыстыбаннай бырагыраама үлэлиир. Ону туһанан саҥа массыынаны атыылаһыахха…
Бу күннэргэ Горнай улууһун Бэрдьигэстээх сэлиэнньэтин ыччаттара нэһилиэк сэбиэтэ тэриллибит күнүн бэлиэтээтилэр. Бу туһунан Бэрдьигэстээх…
Сэтинньи 4-6 күннэригэр Дьокуускайга Сомоҕолоһуу күнүгэр аналлаах норуот уус-уран оҥоһуктарыгар босхо маастар-кылаастары ыытыахтара. Тэрээһини «Мин…
Өлүөнэ муостатын тутар былаһааккаҕа өрүс флотун муус туруон иннинээҕи үлэтэ түмүктэннэ. Ааспыт сезон устата 20-чэ…