https://sakha.gov.ru
РФ Бырабыыталыстыбатын Бэрэссэдээтэлин солбуйааччы — РФ Бэрэсидьиэнин Уһук Илиҥҥэ боломуочуйалаах бэрэстэбиитэлэ Юрий Трутнев Владимир Путин XI Илиҥҥи экэнэмиичэскэй пуорум тэриллиитин үрдүктүк сыаналаабытын бэлиэтээтэ.
Магадаан уобалаһыгар буолбут Уһук Илиннээҕи федеральнай уокурук сэбиэтин мунньаҕар Юрий Трутнев судаарыстыба баһылыга пуорум үчүгэйдик тэриллибитин уонна туһалааҕын бэлиэтээбитин иһитиннэрдэ.
—ВЭФ туһунан этэр буоллахха, Арассыыйа Бэрэсидьиэнэ Владимир Владимирович Путин пуорум үчүгэйдик тэриллибитин бэлиэтээтэ. Мин бу боппуруоһу кини салгын аалыгар олордоҕуна ыйыппытым. Онно пуорум үчүгэйдик, тэрээһиннээхтик ааспытын уонна туһалааҕын эппитэ, — диэн бэлиэтиир Юрий Трутнев.
Саха сирэ ВЭФ-2026 түмүгүнэн уопсайа 180 млрд солк. тахса суумалаах 27 сөбүлэһии түһэрсибитэ. СӨ Ил Дархана Айсен Николаев бэлиэтээбитинэн, бу саҥа үлэ миэстэтин тэрийиигэ уонна нэһилиэнньэ олоҕун хаачыстыбатын тупсарыыга туһуланаллар. Ураты болҕомто тырааныспар инфраструктуратын сайыннарыыга ууруллубут.
Улахан бырайыактарга Саха сиригэр Мохэ-Найба норуоттар икки ардыларынааҕы тырааныспар ситимин тэрийии дьүүллэһилиннэ. Ил Дархан Айсен Николаев этэринэн, өрөспүүбүлүкэ пуорумҥа кыттыытын чэрчитинэн «Мохэ-Найба-Магадаан» ситимин, Найбаҕа таһаҕас терминалын тэрийиигэ уонна «Аллараа Бэстээх-Магадаан» тимир суолунан бииргэ үлэлээһин былааныгар сөбүлэһиилэр, кэпсэтиилэр бигэргэтиллибиттэр.
—Бу быһаарыылар таһаҕас аҕалыытын чэпчэтиигэ, Хотугу муора суолун сайдыытыгар уонна Саха сирэ саҥа логистическай ситимҥэ толору киириитигэр улахан суолталаахтар, — диэн Айсен Николаев бэлиэтиир.
ВЭФ-2026 «Уһук Илин — дьон туһугар сайдыы» диэн тиэмэнэн буолан ааста уонна манна 78 дойдуттан тоҕус тыһыынчаттан тахса кыттааччы түмүстэ. Дьыалабыай бырагыраамаҕа тыһыынчаттан тахса спикер кыттыылаах 150 тахса тэрээһин ыытылынна. Бу туһунан СӨ Ил Дарханын уонна Бырабыыталыстыбатын пресс-сулууспата суруйар.
Сиһилии: https://www.sakha.gov.ru/news/64779
Өрөспүүбүлүкэ нэһилиэнньэлээх пууннара массыына кыһыҥҥы суола аһыллыар диэри ирдэнэр кээмэйдээх оттук-энэргэтиическэй саппааһынан олоччу хааччылыннылар. Бу…
«Күн бүгүн эрэгийиэн иһинээҕи көтүүлэри үбүлээһин өрөспүүбүлүкэ бүддьүөтүн суотугар эрэ ыытыллар. Бу сыалга 250 мөлүйүөн…
Арассыыйаҕа массыына атыылаһарга чэпчэтиилээх кирэдьииттээһин хас даҕаны судаарыстыбаннай бырагыраама үлэлиир. Ону туһанан саҥа массыынаны атыылаһыахха…
Бу күннэргэ Горнай улууһун Бэрдьигэстээх сэлиэнньэтин ыччаттара нэһилиэк сэбиэтэ тэриллибит күнүн бэлиэтээтилэр. Бу туһунан Бэрдьигэстээх…
Сэтинньи 4-6 күннэригэр Дьокуускайга Сомоҕолоһуу күнүгэр аналлаах норуот уус-уран оҥоһуктарыгар босхо маастар-кылаастары ыытыахтара. Тэрээһини «Мин…
Өлүөнэ муостатын тутар былаһааккаҕа өрүс флотун муус туруон иннинээҕи үлэтэ түмүктэннэ. Ааспыт сезон устата 20-чэ…