Хаартыска: https://sakha.gov.ru
РФ Бырабыыталыстыбатын Бэрэссэдээтэлин солбуйааччы — РФ Бэрэсидьиэнин Уһук Илин федеральнай уокурукка боломуочуйалаах бэрэстэбиитэлэ Юрий Трутнев ТАСС интервьютугар Сэбиэскэй Сойуус Дьоруойа Федор Охлопков кэриэһигэр Саха сиригэр бэргэн ытыыга турнир түмүгүн туһунан кэпсээтэ.
Дьокуускайга «Сулус» полигоҥҥа Федор Охлопков кэриэһигэр ыытыллыбыт турнир кэмигэр ураты түгэн буолла. Бырааттыы Василий уонна Сергей Яковлевтар, Саха сириттэн снайпер уонна корректировщик, 3000 м таба ытан сүҥкэн ситиһиилэннилэр. Түөрт сыл анараа өттүгэр бастыҥ көрдөрүү икки тыһыынча миэтэрэттэн этэ. Оччолорго ол саамай үчүгэй ситиһиинэн ааҕыллара.
Юрий Трутнев Саха сирин бэргэн ытааччылара, бырааттыы Яковлевтар, дьиҥнээх дьоруойдар буолалларын тоһоҕолоон бэлиэтээтэ.
—Эһиги үс тыһыынча миэтэрэ ыраах диэн тугун билэҕит дуо? Бу 2 км быдан уустук уонна ыраах. Интэриниэккэ улахан ситиһиилэр тустарынан элбэхтик суруйаллар, маннык рекорд оҥоруута хайдах толорулларын билэбин. 5 х 5 эбэтэр 10 х 10 м щит ылыллар, ыраах туруоруллар уонна ону ыталлар. Уонтан биир эбэтэр сүүстэн биир ытыы таптаҕына: «Биһиги таптыбыт», — дииллэр. Ол эрээри ити сыыһа. Хонууга араас хайысхаттан тыаллаахха, буулдьаҥ хайа диэки барыаҕын таайар ыарахан. Бу билэр, сатыыр буолууну, талааны, дьоҕуру, тыаллаахха сатаан үлэлиири, быһаччыта сатабылы эрэйэр. Дьэ, ол иһин бырааттыы Яковлевтар — дьоруойдар. Ону сэргэ, Оборона министиэристибэтин, куттал суох буолуутун федеральнай сулууспатын уонна ФОС байыастара эмиэ үчүгэйдик күрэхтэстилэр. Бары маладьыастар, — диэн Юрий Трутнев бэлиэтиир.
Трутнев этиитинэн аан бастаан юниордар күрэхтэстилэр. Уһук Илин бары эрэгийиэннэриттэн 16-18 саастаах оҕолор, ол иһигэр «ВОИН» киин сэттэ филиалыттан сэттэ хамаанда. Манна Магадаан уобалаһын хамаандата кыайда. Бу туһунан СӨ Ил Дарханын уонна Бырабыыталыстыбатын пресс-сулууспата суруйар.
Сиһилии: https://www.sakha.gov.ru/news/66508
Өрөспүүбүлүкэ нэһилиэнньэлээх пууннара массыына кыһыҥҥы суола аһыллыар диэри ирдэнэр кээмэйдээх оттук-энэргэтиическэй саппааһынан олоччу хааччылыннылар. Бу…
«Күн бүгүн эрэгийиэн иһинээҕи көтүүлэри үбүлээһин өрөспүүбүлүкэ бүддьүөтүн суотугар эрэ ыытыллар. Бу сыалга 250 мөлүйүөн…
Арассыыйаҕа массыына атыылаһарга чэпчэтиилээх кирэдьииттээһин хас даҕаны судаарыстыбаннай бырагыраама үлэлиир. Ону туһанан саҥа массыынаны атыылаһыахха…
Бу күннэргэ Горнай улууһун Бэрдьигэстээх сэлиэнньэтин ыччаттара нэһилиэк сэбиэтэ тэриллибит күнүн бэлиэтээтилэр. Бу туһунан Бэрдьигэстээх…
Сэтинньи 4-6 күннэригэр Дьокуускайга Сомоҕолоһуу күнүгэр аналлаах норуот уус-уран оҥоһуктарыгар босхо маастар-кылаастары ыытыахтара. Тэрээһини «Мин…
Өлүөнэ муостатын тутар былаһааккаҕа өрүс флотун муус туруон иннинээҕи үлэтэ түмүктэннэ. Ааспыт сезон устата 20-чэ…